لو فيه بنات حبت حد و اتجوزت ف الاخر راجل تانى قولولى نسيتوا اللى حبيتوه زمان ولا لا انا بحب واحد و خلاص مفيش نصيب بينا و متقدملى شاب كويس و محترم و كل حاجة انا بس خايفة اظلمه خايفة اوافق و انا لسة متعلقة باللى حبيته قبل كدة او لسة بفكر فيه و ف نفس الوقت خايفة اندم انى ضيعت انسان كويس ربنا رزقنى بيه و يكون ده عوض ربنا و انا مش مدركة يارب اللى تقرا كلامى تكون فاهمانى انا مش انانية انا بس جوايا صراع بين انى اظلم شخص محترم و اكون معاه و انا لسة متعلقة بحد تانى و ما بين انى خايفة ده يكون عوض ربنا للى حصلى قبل كدة و ابقى انا اللى بضيعه من ايدى بسبب خوفى ده

ادعى كتير وصلى استخارة (لو مسلمة) واقعدى مع نفسك شوفى انتى جاهزة لوجود حد فى حياتك ولا لأ

عايزة اتحجب بس خايفة من الندم

Q: قدامي حلين.. أسامح ولا أفضّل البعد؟

دلوقتي انا قدامي حلين يا قول عفا الله عما سلف ومحصلش حاجه وسامح وكل حاجه ترجع طبيعيه يا افضل زي ما انا..........نفضل بعاد مع العلم انها علاقة اتنين أصحاب كانو فعلا قريبين جدااا انا حاسه اني مش عاوزه يجي علينا رمضان واحنا زعلانين بس بردو خايفه اخد خطوه اندم عليا حد يساعدني ويقولي اعمل ايه

Q: مش عارفه أحب خطيبي ومتلخبطه في فكره الجواز بالعقل

أنا مخطوبه بقالي شهر ونص صالونات بس هو كان بيحبني من زمان ومتعلق بيا جدا وانا لسه لحد دلوقتي مش عارفه احس بحب ناحيته اه متقبله شكله بس مبحبوش يعني وهو اكبر مني ب ٧ سنين بحس طريقته وأسلوبه مختلف عني هو جيل وانا جيل تاني اوقات كتير مبيكونش فاهمني ولا أنا فاهماه حتى لما ييجي يهزر مبعرفش اضحك عاللي بيقوله كل ماتكلم مع حد من اهلي يقولولي انه شخص كويس وانتي عايزه ايه بجد هو بيحبك وشاريكي وهيصونك والجواز بيبقا بالعقل والحب بيجي بالعشره والمواقف ومتتسرعيش وده الشيطان بس والكلام ده بس أنا بجد مش عارفه أتعامل بحس كل مايهتم بيا ده بيضغط عليا اكتر ولما بيقولي انه بيحبني وميقدرش يستحمل اني ابعد عنه ده بيصعب الموضوع عليا انا مش حابه كده أنا عايزه حد يفهمني وأفهمه لغه حوارنا تبقا واحده مش عارفه اعمل ايه بجد هل فعلا الجواز بالعقل بس انا خايفه اندم فالحالتين وخايفه من رد فعل آهلي أنا بجد متلخبطه وتائهه مش عارفه اعمل ايه تعبت والله