قدامي حلين.. أسامح ولا أفضّل البعد؟

Question

دلوقتي انا قدامي حلين يا قول عفا الله عما سلف ومحصلش حاجه وسامح وكل حاجه ترجع طبيعيه يا افضل زي ما انا..........نفضل بعاد مع العلم انها علاقة اتنين أصحاب كانو فعلا قريبين جدااا انا حاسه اني مش عاوزه يجي علينا رمضان واحنا زعلانين بس بردو خايفه اخد خطوه اندم عليا حد يساعدني ويقولي اعمل ايه

Carrot_28547 🇪🇬 · Answer

مش هتندمي في اي حالة لو الشخص الي قدامك رفض الاعتزار يبقا انتي عملتي الي عليكي لانك باقيا علي العلاقة ودا ميققلش منك

Coffee_47120 🇪🇬 · Answer

هو عمتا انا مغلطتش علشان اعتذر انا بس قطعت كلام مع الشخص ده ف حد دخل اتكلم معايا ع أننا نرجع تاني نتكلم وانا بفكر حسيت اني جوايا اتنين واحد بيقول اه عفا الله عما سلف والتاني لسه مجروح وعاوز يفضل كده

Mango_11276 🇶🇦 · Answer

سامحيها لو انتي من جواكي فعلاً مسامحة وحاسة انه فيها أمل وانه انتي من جواكي عايزه فعلاً تعملي كده، لأنه لو فعلاً عايزه تسامحيها يبقى أميد قلبك سامح وانتهى، بس طالما بتكتبي فشكلك عايزه تعاتبي وترجعي، فأنا حاسة انك محتاجة تتكلمي مع الشخص ده وعلى اساسه تشوفي لو حتسامحي ولا لا

Coffee_47120 🇪🇬 · Answer

هي يكانت غاليه جدااا عليا فوق ما اي حد ممكن يتخيل ووجعني بكلام بشع بجد ف علشان كده حاسه اني عاوزه اطلع اللي جوايا بس مش أعاتب وبعد ما أطلعه ممكن نرجع نتعامل تاني فهماني

Mango_11276 🇶🇦 · Answer

مهو ده هو العتاب، انك تقولي اللي جواكي وقد ايه الموقف جرحك، أنا بقول انك تتكلمي وتطلعي اللي جواكي، أولاً حترتاحي، وبعدها قلبك لوحده هيعرف لو حيقدر يرجع يتعامل ولا لا

Lemon_39553 🇪🇬 · Answer

سامحى اقولك على حاجه حلوة طول ما انتى عندك قدرة التسامح حافظى عليها لأنها بجد حاجة جميلة وبتخليتى تتعلمى ان مفيش حاجة مستهلة فى الدنيا دى وانه صفة جميلة هتخليكى دايما راضية عن نفسك 
بس بشرط انك متجيش على نفسك اهم حاجة وانتى بتتعملى كدة مع اى حد 
احنا فى ايام مفترجة وحلوة وهتاخدى ثواب على مسامحتك دى بس افتكرى دايما انك متجيش على نفسك علشان تقدرى تحافظى على الصفة الجميلة اللى عندك دى