ضريبة الغربة.. مشكلة الترحال بين البلدين!

Question

انا عيشت في بلدي الام تقريباً 15سنة بعدها اتغربت في دولة تانية 15سنة ..مشكلتي ان مبقتش مرتاح وبقي عندي شيزفرونيا بمعني ..خلاص مسافر لبلدي الام ال هي مصر ابقي فرحان جدا جدا يعني بس اوصل مرتحش ارجع بلدي التانية ابقي مش مرتاح وعاوز ارجع مصر وهكذا?
 ..
الجماعة بوع يابختك...مشاكل من دي .. ابوس ايدك مش نقصاك دي ضريبة غربة ياصاحبي ...انتا لو عيشت شبابك انا عيشتة وانا بعيد عن اهلي ببساطة🙂?

Cheese_63783 🇪🇬 · Answer

اكيد الغربة ليها ضريبه، بس العيشه ف مصر ضريبتها اعلى واصعب، واعتقد لو انت هناك عندك صحاب وناس سند وقريبه منك ممكن ده يقلل حزنك من موضوع الغربه شويه، وعامة هي الحياه للاسف مش دار راحة ف لازم يبقى فيه شوية حاجات تنغص علينا حياتنا بس لازم نتعود نبص للحاجات الكويسه عشان نفسيتنا متتعبش من كتر السلبيات

Avocado_62047 🇦🇪 · Answer

كلها محصلة بعضها يااخويا والله

Cheese_63783 🇪🇬 · Answer

انا بنت بس لا والله الشباب هنا فاقدين الامل فكل حاجه (او عالاقل معظمهم) ف تعيش ف مصر بلدك الام وسط اهلك بتعاني ماديا ونفسيا ومن كل النواحي، ولا تختار الغربه بمميزاتها وعيوبها اللي اهون شويه من مصر؟ ولو بتشتغل بمرتب كويس او فلوسك كويسه وتعرف مع الوقت تعمل حاجه ف مصر وترجع هنا احسن من الاول هيبقى كويس برضه، لكن انا شايفه ان نار الغربه اهون شوية من جنة الوطن الضايع ده

Cheese_63783 🇪🇬 · Answer

وبرضه هقولك على حاجات تسألها لنفسك يمكن اجاباتها تفهمك شويه انت ليه حاسس كده ، ليه بتحس بالغربه هناك ؟ وليه بتحس بيها ف مصر؟ شوف اسبابك من الناحيتين، وبعدها شوف مع نفسك تقدر تتحسن ف انهي دوله ، يعني ايه الدولة اللي فالاتنين مشاكلها بالنسبالك اهون من التانيه وتعرف مع الوقت تعوض النواقص اللي حاسس بيها؟

Avocado_62047 🇦🇪 · Answer

مصر بنزل ببقي فرحان وراسم صورة في دماغي ..بنزل بنصدم بالوقع غير كدا بحس ان الناس بتعاملني الضيف جة وشوية وماشي بيتعاملو بالشوكة والسكينة ..
دولتي التانية يمكن حبتها اكتر من مصر..بس مفيهاش طعم كدا عبارة عن كرتون شكل وبس عاملة زي الاكلة الحلوة اوي بس مفهاش ملح فاطعمها رايح في داهية بلس انها مليش علاقات كتير فيها غير شغل وبس

Cheese_63783 🇪🇬 · Answer

ماهي دي الفكرة زي ما قولتلك، بالنسبالي العلاقات والبشر هما اللي بيحببونا ف مكان وبنرتبط بيه او العكس ، عارفه ان الجواز مش سهل ومش هو الهدف الوحيد فالحياه بس لو عرفت تلاقي هناك شخص كويس يبقى تكوين عيله هناك هيفرق معاك جامد، لو مشكلة تكوين الصداقات بسببك انك انطوائي او منغلق زياده يبقى تحاول تصلح ده عشان تلاقي ناس سند ليك هناك تحب تكمل عشانهم، لان بجد مصر واقعها صعب للاسف

Cheese_63783 🇪🇬 · Answer

ف لو تعرف تدي نفسك فرصه تستقر هناك عاطفيا ممكن يبقى حل كويس ان شاء الله