أعاني من صعوبة التوازن بين العمل والحياة الشخصية

Sugar_74842 🇪🇬

منذ 5 ساعات

شعور متوتر

أنا أعاني من صعوبة في تحقيق التوازن بين متطلبات العمل والحياة الشخصية. ضغوط العمل المستمرة تؤثر على علاقاتي الأسرية ووقتي الخاص، كما أشعر بقلق مستمر بشأن المستقبل المالي والقدرة على توفير متطلبات الزواج و الأسرة أحاول تطوير مهاراتي لتحسين دخلي ولكن أشعر بأنني عالق في دوامة من المسؤوليات والمتطلبات الاجتماعية و ان الوقت ينتهي بسرعة

شكوكي في الشغل بتسيطر عليا وبتأثر على ثقتي

أنا عارف إن شكوكي أحيانًا بتسيطر على تصرفاتي، وده بيظهر أكتر في الشغل لما أشوف مهامي تتوزع على حد تاني أو لما يحسّوني إني مش قد المسؤولية رغم إني شفاف وواضح في شغلي. ساعات بحس إن قراري في تطوير نفسي، زي كورسات الإنجليزي والإكسيل، بيخليهم يحسّوا بعدم الارتياح أو يبدؤوا يوزعوا مهامي على زميل آخر، وده بيخليني أشك في نواياهم أو في تقديرهم لمجهودي. الشك ده مش بس شعور مؤقت، هو بيأثر على ثقتي بنفسي وباللي حواليّ، وبيخليني أستبق المواقف وأتوقع الأسوأ، حتى مع الناس اللي واضح إنها مش ضدّي. بحس أحيانًا إن الشغل ده اختبار لقدرتي على التعامل مع ضغوط ومواقف مش عادلة، وده بيخليني أتردد وأتحفظ بدل ما أتصرف بحرية وبدون خوف. أنا عايز أتعلم أثق في نفسي أكتر وأتعامل مع المواقف دي بشكل هادئ، وأعرف إمتى أركز على تطوير مهاراتي وإمتى أتواصل بوضوح مع اللي حواليّ. نفسي أقدر أسيطر على الشك بدل ما يسيطر على تصرفاتي، وأخلي كل موقف صعب فرصة للتعلم بدل ما يكون مصدر توتر مستمر. ...عرض المزيد

1 الدعم

0 نصيحة

استقلت من شغلي عشان الضغوطات والخوف

سلام عليكم التطبيق مش سامح ليا اختار اني feeling happy و بغض النظر ان ده red flag بس انا كنت عايز اقول حاجة انا من فترة استقلت من شغلي عشان الضغوطات و قلة الفلوس برضو مقارنة بالمصاريف الاساسية عموما انا في شغلي القديم كنت دايما مضغوط و زعلان و حاسس اني خايف من اي كارثة تحصل و دي طبيعه الشغل في مجال الامن بمعني اصح انا كنت موظف غرفة عمليات بس للتوضيح المهم انا عمري ما كنت مبسوط فيها رغم اني اتعلمت كتير جدا منها و شاكر للفترة دي لانها علمتني كتير و كسبت اصحاب كويسين منها بس الخوف و التوتر من المواقف اللي ممكن تحصل كان مسيطر عليا عموما انا دلوقتي في شغل تاني اهدي بكتير و مميزات احسن بكتير الحمدلله و مرتب افضل و كل اللي عايز اقوله بس ان الخوف ساعات ممكن يقتلنا ولكن الانسب لينا اننا نشوف المشكلة فين و يا اما نعاجلها او نشوف مكان تاني يكون مناسب لينا و كلتا الاحوال الحمدلله علي كل حال و اتمني للجميع التوفيق و اسف علي الإطالة ...عرض المزيد

5 الدعم

2 نصيحة

تعبان نفسيا من الوظيفة.. محتار بين الحرية والمرتب

أنا أتقبلت في وظيفة في شركة كنت بحلم بيها من سنين ومرتب بيتمناه أي شاب بس الحقيقة أنا تعبت كتير في الشركات الخاصة وصلاحيتي يدوبك بتكون سنتين في أي شركة بسبب أني بتأثر نفسيا كتير من فكرة أني أكون مقيد بمواعيد أو أوامر من مدير أو من فكرة التحكم مش بكون ع شخصيتي ولا بقدر أبدع ولا أفكاري بتكون متحررة بكون أنسان نمطي وكثير الأخطاء في البدايات بكون شعلة نشاط وبعد مرور فترة قصيرة من التعامل مع مجتمع الموظفين داخل الشركة والحوارات التي لا تنتهي بتعب وبسأل نفسي سؤال هو أنا ليه أكون مضطر أسمع مواضيع مش عايز أسمعها أو أضحك ع حاجات مش من قلبي ويمر اليوم بتفاصيل وحاجات كتير عقبال ما يعدي وأنا أروح وفكري يفضل شغال في الموقف اللي ضايقني أو الكلمة اللي جرحتني أو الموافقة ع شئ وجوايا رافض ، أنا حاسس أني خلقت لأكون حر وديما بسأل نفسي سؤال هو مش ممكن الرزق يجي ويعدي اليوم ببساطة وهدوء نفسي بعيد عن البشر ونفسياتهم المتعبة المؤذية ، النهاردة شخص بيكون حبيبك وبكره بيكرهم ، بيئات أغلبها سام ، أخر شركة قعدت فيها سنتين ولما جبت أخري شبه كنت منقطع أخر شهرين أروح يدوبك يومين ف الأسبوع ، لما بقعد مع حالي وأسترجع كل الذكريات ف الشركات اللي أشتغلت فيها بلاقي النهايات مش أحسن حاجة بتكون يا أما المكان بيستغني عني أو أنا أستغني مهما كانت الخسائر ، ديما ف النهاية بميل لكفة الراحة النفسية وأني أكون عايش في سلام وهدوء نفسي بعيد عن البشر , لدرجة أني بقيت أحس أني بلاقي نفسي ف شغلانة زي أوبر لأنها كلها حرية ومفيش حد بيكون ليه سلطة عليا أصحي براحتي وأنا براحتي والعائد بيمشي حياتي ولكن ديما بكون عايش في صراع ما بين أختيارين الأول أكون موظف في مجال قوي بيشهد ليه الجميع وليه مستقبل ومرتبات بيحلم بيها شباب كتير ولكن فيه ضغوطات نفسية وقله نوم وساعات عمل بتصل ل ١٤ ساعة وستريس بيأدي في الأخر أني بحس أني بحتاج أخد أدوية لمعالجة الضغط النفسي ولا الأختيار التاني أكون حر بعيد عن أي ضغوطات نفسيه بعائد يومي يعني يعتبر أرزقي زي ما بيقولوا بس بكون مروح البيت حاسس بحرية وبتنفس الأكسجين اللي ف الهوا وبحس بطعم الأكل ووالحياة بس مفيش مستقبل ولا تأمين صحي ولا أجتماعي ولا مرتب مضمون وساعات عمل محدودة لا تتخطي ال ٨ ساعات في أقصي الظروف ، أتعبان ومحتار وحاسس أن حاجة جوايا بتقولي أرفض عرض الوظيفة قبل ما تعيد الدوامة دي تاني وتقابل وجوه جديدة بنفسيات جدية وأنواع أذي نفسي جديد ، تعبان ومش قادر أتنفس . ...عرض المزيد

1 الدعم

2 نصيحة