صاحبتي في الكلية بتستغلني ومش عارفة أتصرف

Question

عندي واحدة معايا في الكلية قالتلي انا بعتبرك صاحبتي ومثبتاكي اول واحدة في الواتساب لكن طريقتها معايا سطحية جامد واستلفت مني فلوس ومرجعتهاش لما كنت طلبتهم منها وانا محتاجهم قالتلي هجبلهم بكرة ومجابتهمش اتحرجت جامد لاني طلبتهم منها ومجبتهمش كتير المهم بحس من طريقتها أنها سطحية معايا منين بتقولي انتي صاحبتي ومنين طريقتها سطحية كل اما يكون بحث أو حاجة في المنهج تيجي تقولي ابعتهالها وانا برفض لانها مش بتساعدني في حاجة لما بطلبها و من طريقتها بحسها مستهترة جامد وبرضو لما يكون عندنا امتحان في الجامعة عاوزاني انا ادرولها على مكان اللجنة بحسها مستهترة جامد النهاردة لقيتها جاية تستلف مني300جنية أحول لهم لها وانا في محافظة وهي في محافظة انا ابعد من محافظاتها جامد وهي كمان مرجعتش اللي عليها علشان اسلفها كل اما بتطلب مني حاجة بقولها لاا  بحسها بتستغلني  جامد  مش عارفة اتصرف معاها ازاي

Marshmallow_56042 🇪🇬 · Accepted Answer

بكل بساطه ابعدي عنها نهائي ولا تردي عليها ولا تتعاملي نهائي معاها و كويس انك حاسه وعارفه أنها مستغله وانك بترفضي استغلالها ده مش بتتكسفي تقوليها لا شاطرة بجد

Popcorn_59602 🇪🇬 · Answer

في بعض الصحاب الي بيتعرفو علي ناس باسم الصحوبيه بس هما بيبقو عايزن ناس لتخليص امورهم بس للاسف زيها فلوس شيتات امتحنات وانتي طبعا مع احترامي ليكي لو غلبانه ممكن تبفرحي لما تقولك انتي حببتي واختي وتعملي كل الي عايزه بمقابل ان انتي اعز الناس عندها لاكن في الحقيقه ولا تهميها اصلا 
الاصلح بقا انك تبقي بجحه زيها هي مبتتكسفش انها تطلب وتتباجح انتي كمان متتكسفيش عادي ولو علشان الزوق ابقي عليها مترديش

Chilli_48447 🇪🇬 · Answer

فعلا دى استغلاليه وكل هما مصلحتها وملهاش دعوه بيكى ولا انتى فارقه معاها أصلا مدام فى مصلحه من وراكى ابعدى بعيد عنها دى مينفعش ينقال عليها صاحبه اصلا
المشكله كلها انك لوحدك ومفيش حد جنبك يتابع معاكى يومك ويسمعك عشان تخرجى كل الزحمه والدوشه إلى فى دماغك إلى مخلياكى تايهه ومش عارفه تخدى قرار

Cookies_60272 🇪🇬 · Answer

طالما حاسة انك مش مطمنة ف التعامل 
ف أحساسك صح 
اتعاملي معاها بسطحية بردو وصدري شوية كرف هي هتتظبط تلقائي ع الوضع دا

فرقي بين زمايل دراسة وبين صحاب

صحاب مش هتضطري تسألي اسألة من النوع دا

Strawberry_40044 🇪🇬 · Answer

طب ما هي هتشوفني اون لاين اقولها اي إني مش برد عليها

Strawberry_40044 🇪🇬 · Answer

انا من الاول حسها استغلالية

Marshmallow_56042 🇪🇬 · Answer

تجاهلي رسايلها وما تفتحيهاش هي هتزهق لما تلاقيكي ما بترديش كذا مره ورا بعض

Strawberry_40044 🇪🇬 · Answer

ازاي ابعد عنها واعمل اي لما تحط بوست وتقولي علقيلي بكلام حلو

Chilli_48447 🇪🇬 · Answer

قولى ليها للأسف مفيش نت معايا ومش فاضيه لحد

Popcorn_59602 🇪🇬 · Answer

حساها لسه متاكدتيش ??😂
خلي بالك بقا واعرفي من صاحب بجد يخاف عليكي وعلي صداقتكو ومين بيستغلك
ربنا يوفقك في جامعتك ويبعد عنك كل شر وصحاب السوء