شفت صاحبتي بالصدفة ومشيت من غير ما نكلم بعض

Apple_26468 🇪🇬

منذ شهرين

شعور مكتئب

كنت مرتبط ببنت وشفتها النهارده بالصدفه عشان احنا جيران يعني سابتني لظروف خارجه عن ارادتها يعني وقالت لي كده .. بس لما شفتها ما حسيتش باي حاجه مع ان الموضوع مقفول من شهر ومن شهر بالضبط مش بنتكلم وهي مبلكاني من على كل حاجه كان في حاجه ليها معايا بتاعتها اديتها لها وما قدرتش انطق يعرف ولا كلمه ولا هي كماان خدتها في سكوت وحتي ما رفعتش عينها في عيني ومشيت علطول..تفتكرو هي فعلا لسه بتحبني وبعدت عشان مايحصلش مشاكل ..تفتكرو ان في انسان أصلا يقدر يكرهك فيه بأفعالووو ويقولك مرة واحدة مشاعري راحت وحتي لما تكون جاهز متجيش!! عشان بس اتكلمت في حاجه مضايقاك منها اكتر من مره بس!! تفتكرو هي حبتني أصلا ؟

مش عارفة اتخطى أول حب رغم البعد والبلوك

ازاي اقدر اتخطى اول حب بقاله حوالي ٣ سنين منهم سنه كامله معرفش حاجه عنه ولا شوفته حتى مره واحده بعد ما كنت بشوفه طول الاسبوع في الدروس و المدرسه قولت يمكن لما ابعد هقدر اتخطى وفعلا سبت المدرسه و الدروس احنا اه ساكنين في نفس المنطقه ولاكن انا بطلت انزل من زمان عشان متجمعناش صدفه و شلته من على كل حاجه و عامله بلوك كمان بس لسه مقدرتش اعمل بلوك من قلبي احنا الاتنين حبينا بعض جدا ولاكن الحب عمره ما كان كفايه لازم الاحترام و التقدير و التضحيات… و للاسف دول مش موجودين تفكيره كان غلط و حاول ياذيني في كرامتي دا غير الكذب انا كنت مفكره انه بيعشقني و كل الناس شايفه كدا بس التصرفات و الكذب بيخلوني دائما اقول في نفسي مستحيل حد يحب حد ويعمل كل دا فيه .. انا بقالي سنه بحاول اتخطى لدرجة اني بدأت اتعايش مع مشاعري دي و احاول اهرب من التفكير و اقنع نفسي اني بطلت احبه و عايشه على كدا لحد ما بدات اصدق نفسي ان انا مبحبهوش خلاص و نسيته بس في لحظه كل حاجه رجعت للصفر لما عمل اكونت تاني ودخل بعتلي انه لسه بيحبني و فضل يحلف سالني كمان انتي لسه بتحبيني في اول الكلام انا بحاول انكر كل اللي حصل و اقنع نفسي انه خلاص انا بطلت الحب دا من زمان بس في الاخر انا مقدرتش اقنع نفسي اكتر من كدا لحد ما لقيت نفسي بعيط بس حاولت اهدي نفسي و اتجاهل مشاعري اقوله الكلام اللي عمري ما قدرت اقوله ولا اجرحه بيه و قولتله اني عمري ما حبيته اصلا انا النهارده شوفته كانت المدرسه بتاعتي القديمه عامله حفله عشان تخرج صحابي و صحابي فضلوا يتحايلو عليا عشان احضر وانا فعلا كان نفسي احضر اوي انا مفتقده صحابي و المدرسه لاني مدرستي الجديده حتى معرفش شكلها ولا عمري دخلتها ومعنديش فيها صحاب كل حاجتي اون لاين ف بالنسبالي دي مدرستي من زمان في الاول منعت جدا اني اروح مكنتش عايزه اشوفه بعد اللي حصل بس صحابي اقنعوني ورحت شوفته و عيني جت في عينه كذا مره و رجعت البيت وانا حاسه ان انا وجعت بالزمن حوالي سنتين و كاني معملتش اي حاجه اتاكدت اني لسه متخطتش معرفش اعمل ايه انا عزبت نفسي كتير لحد ما صعبت عليا نفسي والله انا ضيعت حياتي كلها بايدي مش بس علاقتي بالحب الاول بس والله يعلم ربنا اني مكنش نفسي اعمل كدا في نفسي ...عرض المزيد

4 الدعم

5 نصيحة