حياتي حلوه بس الشغل جاي عكسي مع الكليه

Toast_57320 🇪🇬

منذ يومين

شعور ضائع

حياتي بقيت حلوه بس ناقص فيها الفلوس ناقص اني اشتغل جالي شغل قصاد الكليه بتاعتي بس جيه مع ايام الكليه اصلا الشغل الي هو اقف جنب منتج ده اليوم ب 300جنيه وده كويس جدا جدا كمان بس للاسف جيه عكسي خالص انا بروح ايام الخميس والسبت الكليه وهو خميس وجمعه وسبت اعمل ايه

تدريبي مرفوض ومش معايا فلوس اللاب توب

السلام عليكم انا بمر بظروف صعبة اوي وهي كل ما بخش تدريب بترفض لحد الان مستشفيات ومراكز اشعه البلد كلها اللي هي كفر الشيخ كلها اترفضت فيها ومبقتش عارف اعمل اي وعندي كمان مشكلة عاوز ابدء مجال جديد ومش معايا لاب توب وحتي اهلي رافضين اجيب ع حسابهم بيقولوا مصاريف كليه اختك وكده والمشكلة مش معايا الا 400 بس من مبلغ اللاب توب وكنت. عاوز اجيب لاب ب 8/9 آلاف جنيه قولولي اعمل اي بجد ف المشاكل دي لاني والله قربت اتجنن بعد اذنكم حد يقوللي حل بالله ...عرض المزيد

2 الدعم

1 نصيحة

محتال فيسبوك هددني بالقتل وطلب مني ١٠ الاف جنيه

كان عندي حساب فيسبوك بحبه اوي بس شاء القدر انه يتقفل والفيش يحظرني حظر نهائي وساعتها لقلة خبرتي عملت حساب تاني بس كنت لسه بحب الحساب الاولاني ونفسي يرجع ف قعدت ادور على اي هكر او اي حد في مباحث الانترنت من الفيس بوك يساعدني لحد ما لقيت حساب واحد مسمي نفسه وقايل انه من مباحث الانترنت وكلمته وقال هيساعدني بس بمقابل اكلمه فيديو وصوت في كلام +18 طبعا انا رفضت ساعتها بس عشان بحب حسابي اوي قولت خلاص مش مشكله مره ولا مرتين ويرجع الحساب بعد كدة انساه.. بس الحساب مرجعش وكل شويه يقولي ده في إجراءات اكتر وكل ما الوقت يطول كل ما كان يطلب مني الحوار ده اكتر.. "الموضوع ده من سنتين " انا بقيت مخنوقه مش عارفه اعيش طلبت منه من حوالي ٦ شهور أنني خلاص مش عايزه الحساب وعايزه اعيش حياتي طبيعيه وعندي عريس هيخطبني وعايزه اتوب واركز في دراستي قعد يقولي انه بيحبني وانه عمره هيأذيني وكلام زي ده كتير.. الحمد لله لما كنت بكلمه مكنتش بظهر وشي يعني لو معاه حاجه مش هتفرق اوي بس قعدت مردش عليه كتير واتجاهله عشان ينساني لحد ما اخر حاجه صرخت قولتله يبعد عني وميكلمنيش تاني قالي متقدريش تبعدي عني انا هجيلك لحد الكليه عندك واجيب مسدس واقت.لك والجمله دي خوفتني جدا بس تماسكت وتاني يوم قولتله يبعد عني يطلب اي حاجه ويبعد راح طلب مني ١٠ الاف جنيه.. انا مش معايا المبلغ ده ف روحت كلمت جدتي قولتلها متقولش لحد أنني محتاجه المبلغ ده وقولت اي حاجه وحوار كبير وقولتلها هشتغل وهجيبلك الفلوس.. هي وافقت ومرضيتش تعرف ابويا بأنني طلبت منها مبلغ زي كدة لإن ابويا شخصيه صعبه بس راحت قالت لماما.. وساعتها قولت لماما اي حجه بس هي مصدقتنيش واتضطريت احكيلها الحقيقه كلها.. هي اتصدمت بس دعمتني وقالت متبعتليهوش ولا مليم وتجاهليه ومترديش عليه ولو هددك بحاجه او بعتلك رسالة تهديد حقيقيه قوليلي وننزل الشرطه نعمل محضر وقالتلي لحد ما حاجه زي كدة تحصل مترديش عليه نهائي بس اعملي سين الرسايل ومترديش وانا سمعت كلامها وبقالي شهر كل شويه يبعت لايك او يقولي فين الفلوس أو يبعت فينك وانا مبردش نهائي عليه في الماسنجر وحظرت رقمه من المكالمات.. انا خايفه جدا وحاسه بالذنب ومخنوقه وخايفه اوي اوي يعرف بيتي او يعمل حاجه ويأذيني لانه قال انه شغال في مباحث الانترنت بس ماما قالتلي انه هيطلع كداب ومفهمك كدة عشان تسمعي كلامه وتخافي وانا تعبت خايفه اوي والله حاسه هموت من الرعب مش عارفه اعيش حياتي من كتر التفكير محتاجه حل وهل تصرف ماما سليم؟ طب لو الكليات دخلت وهو جه عند كليتي في محافظتي وعمل اي حاجه اعمل ايه بجد خايفه اوي اوي.. هو من اسكندريه وانا من الصعيد مش عارفه اعمل ايه خايفه والله ارجوكم محتاجه حل لكل ده! ...عرض المزيد

2 الدعم

8 نصيحة

طالب مغترب تعبان ومش لاقي فلوس

انا شب ولسه بدرس في الجامعة وكدا المهم جيت اول الاجازه اشتغلت في شركه وتعب وشيل وحط وشغل عبوديه الصراحه فجيت بعد شهر سبت الشغل دا حتي الفلوس مكنتش حاجه كانو 2500 المهم رحت اشتغلت في شركه تانيه برضو شيل وحط وتعب لقيت نفسي صحياً في تدهور و المقابل بيروح صرف علاج في الاخر المهم حد صديقي عرفني علي صاحب شركه ريل استيت وكدا بس هشتغل معاهم كمشن بس المهم قلت يلا risk وان شاء الله ربنا هيرزق دواتي عدي شهر ونص ومختش حاجه من الشغل دا دا خلاف بقا في مصريف شخصيه ومواصلات ومبقاش في فلوس خالص اه اتعلمت من الشغل واستفدت بس مش عارف اعمل حد عندو نصيحه لان انا دواتي الحالة المديه زفت والكليه والفلوس دا خلاف اني مغترب وبدفع فلوس سكن اعمل اي عشان بجد تعبت من كتر التفكير او حد يشوفلي شغل معاك اونلاين يبقا بجانب الكليه يبقا عمل معيا واجب وشكرا اسف علي الاطاله ...عرض المزيد

0 الدعم

5 نصيحة