طالب مغترب تعبان ومش لاقي فلوس

Question

انا شب ولسه بدرس في الجامعة وكدا 
المهم جيت اول الاجازه اشتغلت في شركه وتعب وشيل وحط وشغل عبوديه الصراحه فجيت بعد شهر سبت الشغل دا حتي الفلوس مكنتش حاجه كانو 2500 المهم رحت اشتغلت في شركه تانيه برضو شيل وحط وتعب لقيت نفسي صحياً في تدهور و المقابل بيروح صرف علاج في الاخر المهم حد صديقي عرفني علي صاحب شركه ريل استيت وكدا بس هشتغل معاهم كمشن بس المهم قلت يلا risk وان شاء الله ربنا هيرزق دواتي عدي شهر ونص ومختش حاجه من الشغل دا دا خلاف بقا في مصريف شخصيه ومواصلات ومبقاش في فلوس خالص اه اتعلمت من الشغل واستفدت بس مش عارف اعمل حد عندو نصيحه لان انا دواتي الحالة المديه زفت والكليه والفلوس دا خلاف اني مغترب وبدفع فلوس سكن اعمل اي عشان بجد تعبت من كتر التفكير او حد يشوفلي شغل معاك اونلاين يبقا بجانب الكليه يبقا عمل معيا واجب وشكرا اسف علي الاطاله

Peanut_75647 🇪🇬 · Answer

حاول تدرس وتركز في دراستك..لو تقدر فركز علي هدف وطور من نفسك وبص لمستقبلك لان لو اشتغلت في اي مكان بدون ما يكون عندك مهارة للاسف هتتبهدل..

حاول تلاقي كورس في حاجة معينة واجتهد وانت قي البيت لحد لما توصل لمستوى يخليك تشتغل بالمهارة دي وبعدها قدم علي شغل..

لو حسبتها انك لو اشتغلت ١٢ شهر ب٢٥٠٠ هتلاقي في السنة جمعت ٣٠ الف… لو اكتسبت مهارة وطورتها ممكن تعمل المبلغ دة في شهر او شهرين..

Biscuit_75453 🇪🇬 · Answer

متفهم رايك بس انا ظروف ولدي مش احسن حاجه ومن يومي وانا شايل مصاريفي بنفسي فحسبت ان غلطت عشان قولت اروح اتعلم حاجه جديده

Peanut_75647 🇪🇬 · Answer

كلنا بنمر بظروف وحشة.. بس الشاطر هنا اللي يطلع منها..

لو اشتغلت بدون مهارة هتفضل معلق في فترة وحشة وعمرك ما هتطلع منها… هتفضل في حتة "ظروفي وحشة" للاسف حاليا التعليم وتطوير المهارة مهمين جداا فوق ما انت تتخيل.. حاول بابسط الامكانيات علي قد ما تقدر ومتصرفش كثير

Blueberry_66715 🇪🇬 · Answer

معرفش بحس احسن شغلانه ل شاب بيبدأ حياته كول سنتر 
لو معاك لغه تقدم ف اي شركه و باللغه دي القبض بيبقا في حدود 12الف 
او كورس جرافيك ديزاين و تشتغل بيه

Kiwi_72730 🇪🇬 · Answer

شوف شغل كويس مناسب ومرتبه عالي