عندي شعور رهيب بالوحدة ومبقاش في حاجه ليها طعم

Mango_74726 🇪🇬

منذ أسبوعين

شعور وحيد

عندي شعور رهيب بالوحدة و الموضوع زاد بعد م تخرجت من الجامعة وصحابي الدنيا شغلتهم الي لسا بتدرس والي اتخطبت وكدا مبقاش في حد حواليا واحساسي بالوحدة كل يوم بيزيد حتى لو حواليا ناس كتير حاسة بوحدة رهيببة مبقاش في حاجه ليها طعم حتى الحجات الي كنت بحب اعملها مبقتش بتبسطني حاسة اني فاقدة معنى الحياة وبسبب وحدتي رغبتي في الارتباط "الرسمي" بتزيد كل يوم اكتر محتاجة حد يهتم بيا وبتفاصيلي يكلمني يسأل عليا يعمل حجات حتى لو بسيطة عشان يفرحني يحتويني ويهتم بيا اعمل اي عشان اخرج من الحالة دي واعيش حياتي طبيعي

يارب عوضني عن القسوه والوجع وابعث لي شخص يحبني

كنت النهارده عماله أفكر مع نفسي وأنا بفكر لقيتني بعيط ،كنت بفكر ف عوض ربنا وعماله أقوله يارب عوضني مش عارفه أقول كلام كتير لكن يارب أنت عارف إن قلبي جواه نار بتأكل فيه وإن قلبي وجعني كتير يارب عوضني عن القسوه والوجع ده بحاجه تنسيني كل الوجع ده،حقيقي مش عارفه لو ف عز ما الدنيا صعبه ومعظم الناس بقت وحشه سواء ولاد أو بنات هل ف وسط الزحمه المليئه بالكثير والكثير من الشباب البايظين إلا من رحم ربي هلاقي شخص كويس يتقي ربنا فيا ويعوضني عن كل شعور وحش حسيته! الإنسان بيدور على شخص يأنس إليه ف يا ترى هلاقي حد يحبني زي ما أنا بتعبي وحزني وكل اللغبطه والقلق اللي ف دماغي ؟ هلاقي حد يتقبل إني شخص عيوطه ومش علشان نكديه لكن علشان حساسه وغصب عني وظروف الحياه زودت معايا نوبات البكاء! هلاقي شخص يحتويني بدل ما يقولي أنتِ نكديه وكئيبه وبدمعه وياخد حزني وزعلي على إنهم نكد مش مشاعر لابد منها بسبب كل حاجه حصلتلي! يا ترى فعلا الإنسان ممكن يلاقي إنسان يديه كل مشاعر الأمان اللي فقدها كلها دفعه واحده! فضلت أعيط علشان قلبي أحن من كل القسوه دي وقلبي أرق من كل المعاناه دي فضلت أعيط علشان ملقيتش شخص طول فترة مرضي وتعبي ومعاناتي يشاركني ألمي وأشاركه خطوه بخطوه كل جديد ف تفاصيل علاجي فضلت أعيط علشان مش لاقيه حد أحكيله وأعيطله وأشكيله قد ايه الدنيا قاسيه عليا (ملحوظه: أنا محافظه على صلاتي الحمد لله) لكن أنا عندي اكتئاب ومش قادره أطلع منه بس أتمنى تدعولي ربنا يعوضني أنا قلبي واجعني أوووي والله أتمنى تدعولي إني ألاقي حد يحبني أكتر من نفسه ويعوضني عن كل شيء ويصلح كل حاجه هو مبوظهاش ...عرض المزيد

8 الدعم

3 نصيحة

ليه تكتم مشاعرك وتبان عكس اللي جواك؟

جماعه بجد اكتشفت ان اكتر حاجه بتدمر الانسان تدريجيا انه يكبت جواه وبيبين عكس اللى جواه ليه تكون مدايق وتبين لناس انك تمام وتضحك وتهزر ولا كأنك لسه معيط من شوبه ولما ترجع تقعد مع ترجع تدايق وتعيط ماشاء الله الناس ايه دا علطول كدا بيضحك ومبسوط دا خد حياتى يحبيبي تعالوا خدوها بجد بين مشاعرك متكتمهلش عبر عنها اللى مش مستحملك يبعد ف داهيه المهم نبقي كويسين انا اكتر واحده بقول كدا وانا حرفيا ف قلب الحدث اثر ع نفسيتى بشكل سيئ لدرجه ان مش عارفه اخرج من اللى انا فيها ولا بقيت عارفه ولا اعبر ولا اعمل اي حاجه معتش عارفه انا كويسه ولا لأ من كتر منا بقيت ببين عكس اللى جوايا معتش عارفه انا حاسه بإيه خدوا وقتكوا ف فترة التعافي على اكثر من مهملكم مش تكروتوا مشاعرك عشان حد ملوش لازمه ييجي يقولك ايه دا انت هتقضل كدا كتير بجد والله حتى الاكتئاب والزعل اديلهم وقتهم لحد متتعافوا منهم دايما بنسمع العكس انه لأ متديش للزعل حقه لأ يجماعه اديله حقه واعيط وزعق لحد منتعافي خالص دي الطاقه السلبيه الوحيده اللى هنقدر نخرج الزعل منها افضل من الزعل يطلع على جسمنا بطريقه مرضيه وساعتها مش هيكون احسن حاجه ...عرض المزيد

5 الدعم

2 نصيحة

مش لاقي حد أحكيلو مشكلتي والجواز بيقلقني

مش لاقي حد احكيلو مشكلتى انا شاب 24 سنة مليش أى علاقة أو حتا كلام عادى معا البنات قفل يعنى والحمدلله ملتزم فى الصلاة المشكلة انى الكبير على اخواتى وشغال معا ولدى وعندى اخ اصغر منى هو عندو 22 سنة هو اجتماعى عكسى تمام فى كل حاجة المشكلة انى شايل موضوع الجواز من دماغى بسب انى اترفضت قبل كدا من قبل ما حتا تسبلى فرصة انى اتقدملها وكنت بحبها جدا دلوقتي انا كل قريبى كل ما يشوفني ويقولون مش هنفرح بيك ولا اى وكذا حد من إلى اعرفهم يعرض عليا عروسة شكل بس انا رافض الموضوع بس ولدى لية واحد جرنا مصحبة جدا وعلاقتهم كويسة ببعض عرض علية انو يجوزنى بنتة وولدى وافق ومصمم انى اتجوزها هيا فى نفس طولى 175سم وشكلها بلنسبالى مش احسن حاجه بس هيا محترمة جدا وحافظة القران كامل ولبسها كلة واسع وأهلها مرتاحين ماديا زينا وامى واختر الصغيرة بيحبوها جدا هيا ثانوية عامة وعلا كلمهم انى هتقدمها لما تخلص الثانوية مشكلتى أن طول الوقت بفكر فى الموضوع والموضوع واخد حيز كبير من دماغى ومش قادر اركز فى شغلى وكل يوم التفكير فى الموضوع بيزيد عن اليوم إلى قبلة وجالى اكتئاب من كتر التفكير ووزنى نزل 15 كيلو بسب انى حاسس انى فى دوامة كبيرة ومش عارف اطلع منها ...عرض المزيد

6 الدعم

3 نصيحة