بقالي فترة كبيرة حاسس بالوحدة وانى مليش حد عايش مع اهلي لكن ف شقة لوحدي.. اخواتي كلهم متجوزين وانا اللي لسه متجوزتش ومش عايز الحقيقه .. لكن انا بقالي فترة كدا حاسس اني فعلا مفيش حد معايا ولا صحاب ولا اهل رغم وجودهم.. عارفين احساس انك مش لاقي حد تتكلم معاه وقت ما تبقي جواك حاجه عايز تحكيها؟ شعور كدا مسيطر عليا حاسس كمان انى تايه مش موجود فاهمين قصدي ! انا غايب عن الواقع شوية وحاسس ان كل حاجه بتهرب او هربانه مني منها الأمان الاطمئنان منها الحب والود منها الراحة النفسية كل ده غايب عني ومعرفش عنواني .. انا بسيط والله وطلباتي بسيطه ولكني مش لاقي حتي أقل شئ اني وقت اما اكون تعبان زي كدا ولا نفسي احكي واتكلم فجاة ملاقيش حد واكون لوحدي حتي بقالي شهرين ف شغل جديد متعرفتش ومش عارف اتعرف علي حد ومش حابب كمان ف ده مزود معايا شعوري بالوحدة اكتر يعني بروح الشغل بكون لوحدي ف البيت باكل لقمه لوحدي انام لوحدي كل حاجه بقيت لوحدي بقيت خايف معظم الوقت حتي مش بشوف ان فيه حد بيحبني... انا عايز اتكلم اسف تعبتكم معايا

0

3