صراحة..عندي كتر من شهرين ما درت تا حاجة..صح ما درت تا حاجة..غير لقعاد....نرقد ،نوض، ندوش، ناكل، نصلي، نقصر شوية، نتفرج شوية ،ونعاود نرقد وما نخرجش كامل من الدار...هنا عرفت قيمة لحياة لي عشتها بكري..لقراية، للخدمة،...كان عندي حياة من نوع ما..ملغري كان كاين تعب بزاف و مرات يكونو كاينين مشاكل وساعات دراهم ماكاش وكامل..مي نهار كان عندو بنة وكل يوم ما يشبهش للي قبلو..تحس روحك بلي انسان وحي...مام صحتي تبدلت..قبل كانت خير..من تعب نروح ديركت نرقد ونرقد مليح ونوض فالوقت ، وقت الماكلة ناكل بشهية ونستبن تاني...دوكا من قوة ماراني ندير تا مجهود كي يلحق ليل نلقى روحي مازالني بالنشاط وما يجينيش نعاس بسيف وما نحبش ناكل، ما نحب والو.. ني نحس بالضعف ...حاكمتني سماطة برك...لي عندو حياة غير يعيشها بسك الراحة بزاف لي بالاك راكم تحلمو بيها تع ما ديرو تا حاجة را ما عندها تا معنى

5

7