زوج متألم من خيانة زوجته بالمكالمات الجنسية

Question

انا زوج اتعرضت للخيانة " مكالمات جنسية " 
عندي بنت و انا متاكد  انها بنتي 
المشكلة بدات ان زوجتي خست بشكل كبير 
اعرضت للتنمر من كل اللي حواليها 
لحد ما فقدت الثقة في نفسها و بقت شايفة نفسها وحشة 
وهي كانت بتشتغل شغل اونلاين  
وواحد دخل عاكسها و هي للاسف راحت معاه في السكة دي و الموضوع اقتصر علي اربع مكالمات جنسية 
و هي مقابلتوش

انا عرفت اهلي و اهلها و تم الطلاق و البنت معايا انا

دلوقتي هي ندمت و تابت انا متاكد من كدة 
و نفسها في فرصة تانية

Hazelnut_52786 🇪🇬 · Accepted Answer

عزيزي : لايوجد مبرر للخيانه 
ولا تساهل في الخيانه 
اي مشكله بعد كده ممكن تحصل ودا شئ وارد 
انت دماغك وعقلك هاتروح في مكان وحش جدا 
وتفكير عقلك ممكن يخليك تفكر افكار سيئة جدا 
واعتقد كمان بعد ما انفصلتو وعرفتو الجميع سبب الانفصال
هل ينفع أصلا الرجوع
كام ممكن الرجوع والمسامحه لو كنت خليت الموضوع بينك وبينها بس للأسف الموضوع بقي علي المشاع والعيله كلها عرفت ان كانت عيلتك ولا عيلتها

Lemon_50969 🇪🇬 · Answer

لو انت هتقدر تسامح سامحها احنا كلنا بنغلط وكلنا بشر وربنا غفور رحيم احنا كمان لازم نرحم معلش سامحها علشان البنت هي ممكن يكون الشيطان لعب فعقلها لأن الي بيتعرض لتنمر ده بيتعب نفسيا ف بيبقي سهل علي الشيطان انو يلعب في دماغو سامحها وحاول متجيبش سيره الموضوع وخليك معاها ومتسيبهاش لوحدها أو لدماغها ومدام تابت ف أن شاء الله خير اديها فرصه تانيه وربنا يبعد عنكو اي شر

Almond_52342 🇪🇬 · Answer

مفيش مبرر للخيانه كدا كدا وليك الحق تسامحها أو لأ لكن السؤال الي جه في بالي هو أنت ليه موقفتش جمبها لما كانت بتتعرض للتنمر بالشكل دا وغالباً بيكون التنمر على الشكل من أهل الزوج والله أعلم ايه الي حصل في حالتها هي ،لكن لو قررت تسامحها وترجعوا تاني متحاولش بأي شكل من أشكال تفتح الموضوع تاني أو تعايرها بيه في أي مشكله أو تفضل شاكك فيها أربعه وعشرين ساعه لو مش هتقدر تعمل كدا فخلاص خلي بينكم معروف ....

Almond_52342 🇪🇬 · Answer

عشان البنت تطلع سويه ومعندهاش مشاكل ومينفعش أبدا تعرف بالي حصل دا

Almond_52342 🇪🇬 · Answer

والي خلي السؤال دا يجي على بالي إنك ذكرت حتت إنها اتعرضت جامد للتنمر فأكيد الشخص دا دخلها من الحته دي وإنه بدأ يطمنها ويحسسها إنها محبوبه وجميله زي ما هي

Almond_52342 🇪🇬 · Answer

ومعلش حاجه كمان إنها طالما كانت مكالمات من النوع دا يبقى غالباً حضرتك برضو كنت محسسها إنها بقت وحشه أو مبقتش بتقرب منها بما فيه الكفايه والي أكيد اكدلها إنك كمان بقيت شايفها بقت وحشه زي الناس التانيه ومبقتش عايز تقربلها

Apple_53632 🇪🇬 · Answer

انا ماتنمرتش عليها خالص 
انا كنت بحاول ادعمها 
كنت بقولها مثلا اعملك عصير او اكل 
فهي فهمت ده انها مش عاجباني

Almond_52342 🇪🇬 · Answer

بالظبط لأنها شافت إنك بتحاول تعمل زي الباقين تخليها تاكل عشان ترجع تتخن، أي حد بيحصله تغير مفاجئ في جسمه ويلاقي تعليقات سلبيه عليه بيبقى مش عايز حاجه غير إن الناس تسيبه في حاله ومحدش يحاول يغيره

Apple_53632 🇪🇬 · Answer

هل اقدر اقول ان علشان الضغط النفسي اللي كانت فيه 
تصرفها ده مكنش ناتج عن ارادة كاملة ؟

مع العلم ان هي اصلها طيب و دي مش طبيعتها

Apple_53632 🇪🇬 · Answer

انا عندي مشكلة تانية 
لما اجي اناقش فكرة الرجوع مع اهلي 
ابويا معارض جدا و الموضوع جاي علي كرامته اوي برضه
و بيهدد بفضايح و اني مش هبقي ابنه و لا يعرفني و كلام من النوع ده 
فهل اخسر ابويا علشان مراتي ؟

Almond_52342 🇪🇬 · Answer

حاول تقنعه أصل مراتك وبنتك هما الي باقيينلك وساعات الأهل بيصمموا على حاجات لمجرد إن عايزين يحسوا إن ولادهم لسه تحت طوعهم، وبنتك مهما حاولتوا تكون العلاقه بينك وبين طليقتك طيبه هتتأثر بإن الاتنين مش مع بعض

Almond_52342 🇪🇬 · Answer

بالظبط فحاول تكون رحيم بيها وزي ما قولتلك لو مش هتسامحها تماماً وهتفضل تعايرها بالموضوع في المستقبل يبقا بلاش وخلي بينكم معروف بس عشان البنت

Almond_52342 🇪🇬 · Answer

وبصراحه لو أنت الي كنت عملت كدا كان زمان والدك شغال يقنع في أهلها إنك ترجعلها 
بس عشان هي ست فالمجتمع بيضاعف العقاب شويتين تلاته أربعه كدا 
وأنا بدا مبقولش إن الخيانه مش غلط وحرام كمان بس أنا بتكلم على أساس إنها تابت لربنا أولا ورجعت على غلطها

Apple_53632 🇪🇬 · Answer

هو حضرتك راجل ولا ست ؟

Chilli_48447 🇪🇬 · Answer

اولا الغلط منك انك سمحت ان ده يحصل ليها ومكنتش بتتكلم ثانيا إلى حصل ده حصل وخلاص لازم تسامح فيه لان الغلط الاساسى منك انت سيبك من كل ده اعمل حساب ان فى بنت ما بينكم والبنت دى محتاجه للام اكتر من الاب مع ان البنت بتحب ابوها اكتر بس فى وقت لازم وجود الام ف معلش والدك حاليا معمى ومش شايف غير كرامه وان هى عملت وعملت وعملت طيب دور على السبب ده اولا ثانيا بص ان فى بنت موجوده لازم يبقى الام موجوده

Almond_52342 🇪🇬 · Answer

ست بس هيفرق في ايه

Ice Cream_53054 🇪🇬 · Answer

ايه علاقة العصير والاكل بالتنمر

Apple_53632 🇪🇬 · Answer

علشان الست بطبيعتها هتتعاطف مع الست اللي زيها

Almond_52342 🇪🇬 · Answer

مش فكرة عصير وأكل ومكانتش هتفرق لو جابلها تفاح يعني 😂
بس الفكره في إنه حاول يغيرها بالطريقة الي الناس الي بتتنمر عليها بتقولها عليها لأن أي حد رفيع أوي أول حاجة بتتقاله كل كويس ويحاولوا يغصبوه على الأكل أو باستمرار يعرضوا عليه أكل حتى لو هي مطلبش دا

Almond_52342 🇪🇬 · Answer

متعاطفتش معاها أنا اتعاطفت مع فكرة إنها إنسان تاب وندم والناس مش مسمحاه لمجرد إنه اتولد ست 
لو كان البوست بيقول العكس وإن الراجل تاب وندم وهو بشخص بطبيعته طيب ونضيف واتعرض لنفس الكلام وشريكته مدعمتهوش كنت هقول للست الي منزله البوست تسامحه ويشهد ربنا على كلامي ويحاسبني عليه لو كنت منافقه

Cookies_53643 🇪🇬 · Answer

الموضوع ملوش علاقه بثقتها في نفسها الأول 
لان لو ليه علاقه بثقتها في نفسها
١- هتتكسر وهتحاول تحافظ عليك
طيب أنا اسف اني بقولك كدا بس لازم تبقا فاهم دا كويس اوي 
المشكله في قنعتها بيك كراجل وبتدور علي الأحسن منك 
ودا هيتكرر عمليا مش في تيلفون وحضرتك هتروح في حته مش حلوه 
في الغالب بيكون سبب المشاكل دي بسبب انك اديت اهتمام او ملكتك لازم المراءه متبقاش ممتلكاك بشكل كامل 
إبداء حياتك مع غيرها ..

Cookies_53643 🇪🇬 · Answer

متنساش ان المكالمات كانت هتبقا واقع لو مكتشفتش متصدقش حريم واخلع

Almond_52342 🇪🇬 · Answer

أنا هتكلم عنها كإنسان مش راجل ولا ست دلوقتي لو بني آدم عمل ذنب ومش هقول إن كان ليه أي مبررات هقول إنه عمل الذنب دا من ضعف إيمان عنده بس الإنسان دا فاق وندم وتاب لربنا سبحانه وتعالى وعزم إنه مش هيرجع للذنب دا تاني ربنا سبحانه وتعالى هتغفرله وأنا مش بتدخل ولا بتجرأ على ربنا سبحانه وتعالى استغفر الله العظيم لكن بقول الكلام الي القرآن والسنه قالوه مش أكتر 
والموضوع دا أسأل فيه شيخ  أحسن من آراء الناس

Almond_52342 🇪🇬 · Answer

كلٌ يرى الناس بعين طبعه

Strawberry_53651 🇪🇬 · Answer

اديها فرصه تانيه واهم حاجه تدعمها نفسيا

Cookies_53643 🇪🇬 · Answer

أوعي تعمل كدا

Kiwi_46314 🇪🇬 · Answer

ربنا غفور رحيم وكلنا بنغلط هو اكيد مش مبرر بس لو راجل الي قال كدة كنتوا هتقولوا ارجعي عشان عيالك والكلام ده 
طالما تابت وهي كويسة ايه المشكلة

Kiwi_46314 🇪🇬 · Answer

اتقي الله يكوكي وخليك محضر خير

Apple_53469 🇪🇬 · Answer

سامح سامح سامح مش عشانك عشان البنت الي هتتحرم من حنان الام تاني حاجة هيا وقعت وكلنا ممكن نقع في الخطيه زيها محدش بلا خطيه انت كان ممكن تبقي مكانها سامحها سامح 🥺🤍

Onion_60221 🇪🇬 · Answer

ياصديقي كلنا بنغلط وخليك عارف كويس انك مش من حقك تدفع بنتك ضريبه اختيارك الخطأ 
ارجعو علشان بنتك أغلى ماليك  وسامح لكن إياك والمعايرة