زميلي زعل مني بسبب تدخلي في علاقته مع إكس

Question

كنا صحاب لفترة قصيرةهو زميلي بس انا بحبه وهو عارف وحصلت مشكلة بيني وبينه لما اتدخلت في علاقته مع الإكس بتاعته، هو زعل مني وقالي أنساه لأنه مش حب تصرفي ده،بقالي شهر وحاجه مكلمتوش  وأنا حابة أعدل اللي حصل وبعت رسالة للإكس قلت لها عايزه اكلمك في حاجه وردت ومن الصبح معلقه الرساله عايزه اسألها علشان لو هي عايزه ترجع له انا مش هتدخل بينهم ( علاقتي بيها كويسه )بس معنديش الجراه ومش عارفه اقول لها ازاي اصلا

Avocado_69874 🇪🇬 · Answer

حتي لو مفيش بينهم حاجه مجرد ماتحس ان فيه حد ظهر ف حياته اكيد مش هتسكت غير انو متعرفيش حصل بينهم ف الشهر ده واتطورت علاقتهم ولا لا

Sugar_69384 🇪🇬 · Answer

بتعملي اغبى حاجه ممكن تتعمل

Orange_61792 🇪🇬 · Answer

احترمي رغبته و متدخليش ،مش منطقي انها تلاقي بنت تصلح بينهم ،و هو مش عيل صغير عشان تروحي تصلحي من وراه ،كده هتصغريه اكتر، اعملي اللي هو قاله و متدخليش ف القصه دي ،
و لو رجعلك يرجع ف اطار رسمي ،و لو مرجعش خلاص.

Sugar_69803 🇪🇬 · Answer

هم سابو بعض من قبل ما اعرفه اصلا بس انا كلمتها على موضوع عادي لحظه غباء ما فكرتش

Sugar_69803 🇪🇬 · Answer

مكلمتهاش علشان اصلح بينهم هو ما بقاش يحبها اعتقد

Sugar_69803 🇪🇬 · Answer

ليه

Sugar_69384 🇪🇬 · Answer

لان لو انا ف نيتي ارجع لبنت سبتها ولقيت ولد تاني هو اللي يكلمني عشان يخليني ارجعها عمري ما هرجعلها وكذلك العكس.. البنت دي عمرها ما هترجع للواد دا لو انتي اتدخلتي دا لو رجعتله اصلا كلمتيها ممكن تنفصل تاني

Sugar_69803 🇪🇬 · Answer

من قال اني عايزانها ترجع له انا اللي بحبه هم انفصلو خلاص بس معرفش غباء فيا لما كلمتها كدا من غير سبب هو شاف انه ليه تدخلي فيا وتفتحي حاجه قديمه وانا اصلا ما كانش في نيتي كدا

Apple_68133 🇪🇬 · Answer

بصراحة؟
أنتي بتحاولي تبرري تصرف غلط بتصرف غلط تاني

انتي اتدخلتي في علاقة مش من حقك تتدخلي فيها، حتى لو بتحبيه وهو عنده كل الحق يزعل، مش لأنك وحشة،
لكن لأن اللي عملتيه كسر حدود هو كان حاططها بينكم من البداية: “صحاب بس”

دلوقتي فكرة إنك تبعتي للإكس علشان تعرفي إذا كانوا هيرجعوا لبعض علشان أنتي متكلميش معاه؟
دي مش نُضج، دي محاولة تتحكّمي في حاجة مش ملكك من الأساس

Apple_68133 🇪🇬 · Answer

أنتي محتاجة تعترفي لنفسك إنك بتحاولي تتعلقي بخيط ضعف،
بس الحقيقة إنك بتضغطي على نفسك وبتقللي من كرامتك أكتر ما بتصلحي حاجة

لو عايزة تعدّلي اللي حصل بجد؟
اعملي ده بصمت و اسحبي نفسك من المشهد، واحترمي اختياراته،
من غير ما تحاولي “تباني طيبة” على حساب نفسك

Sugar_69803 🇪🇬 · Answer

انا حاسه برضه ان فيه حاجه غلط بس بجد ما عنديش حل غير ده ، مستحيل ادخل بينهم وهي لسا عايزه ترجع رغم ان هو مش يرجع لها عايز اساسا + علاقتي بيها كويسه وهي عاقله ومتفهمه سهل التعامل معاها