زعل كبير منك ومش هنسى اللى عملته فيا

Question

انه خلانى ازعل على نفسي خلانى اسأل نفسي انا وحشه للدرجادى اى حصل منى وحش يستاهل كل الى عملته دا كل الزعل الى فى قلبي ومعاناتى كل يوم بسببك انت بسببك انت دانا استثنيتك عن كل الكون عملت اى فيك انا علشان تردهولى بكل القسوه والجحود دا دانا كنت اكتر حد بيخاف على زعلك اكتر حد حبك وكان بيعمل الف حساب لزعلك وتعبك وقولت انت الوحيد الى لا يمكن تزعلنى او اهون عليك وهنت عادى وطلعت مسواش اى حاجه عندك طلعت زىى زى اى حد ويمكن اقل من اى حد كمان مش هنسالك دا خالص مش عارفه هقابلك تانى ازاى وبانهو وش بس حقيقى جوايا زعل كبير جدا منك ومش ممكن يشفى بسهوله

Sugar_55298 🇺🇸 · Accepted Answer

ربنا يعوضك خير و يهون عليكي 🤍

Pistachio_54176 🇪🇬 · Answer

اعتبريها تجربة وعدت بكل اللي حسيتيه بالحلو وبالوحش وعادي جدا مش انتي لوحدك كدة أنا كمان يعتبر مريت بنفس الموضوع مع واحدة يعني بس حاولي تقابلي ناس شبهك اكتر واي حاجة بتحبيها تهون و تطبطب عليكي لغاية متستقري مع شخص يعوضك عن كل ده🤍✨

Mango_59444 🇺🇸 · Answer

لما يحصل كل دا من اقرب الناس ليك هتقدر تأمن لحد تانى مش هتخاف على نفسك وعلى قلبك من كل الزعل دا انه يرجع يتكرر تانى لاى سبب كان

Pistachio_54176 🇪🇬 · Answer

هتخافي اكيد بس لازم الشخص اللي معاكي يكون متفهم حاجة زي دي ويكون عارف يتعامل معاكي عشان تكوني مرتاحة وقلبك مرتاح وصدقيني أنا حاسس بكل اللي بتقوليه ده

Mango_59444 🇺🇸 · Answer

يارب الاقى الشخص الى يفهمنى فعلا

Strawberry_25620 🇪🇬 · Answer

اللي يخليكي توصلي انك تسالي نفسك انا وحشه للدرجادي ده حد سئ جدا وانتي ظالمه نفسك والله بالسؤال ده .. بصي لنفسك من منظورك انتي مش منظور حد عشان ماتزعليش على نفسك، هوا اللي ميستاهلكيش عززي نفسك كده وارفعي نفسك فوق اي حاجه لان نفسك اولى ..🩷

Pistachio_52720 🇪🇬 · Answer

انا اكتشفت ان الانسان لما بيحب و يدى بجد لازم يخد قلم يفوقه… و لما يبقى وحش و خبيث و معندوش قلب و متلاعب و جاحد الناس تتمنله الرضا يرضى للاسف النضيف بيداس عادى جدا بلا رحمه و الوسخ الناس بتشترى بالغالى بس صدقيني فى الاخر بيندموا بعد فوات الاوان او احنا بنتحول نبقى مقرفين زيهم

Mango_59444 🇺🇸 · Answer

ادعمك