خطيبي بيتعامل معايا بقلة أدب ولسانه طويل

Question

نمت ف خطيبي زعل لانه ملوش غيري ومش بيكلم حد غيري 
المهم صحيتله مخصوص عشان أكلمه ومردش عليا الموضوع كبر وهاني وشتمني ألفاظ زي ي قليله الادب ولساني طويل عاوز قطعه يارداحه تخربي البيوت مش طايقك ولا طايق كلامك القذر غوري ف ستين داهيه وهكذا 
المهم امي وقفتله وزعقت معاه وبقالنا كام يوم م بنتكلم بن عليا يجيي خمسين مره مردتش منهم غير تلاته أو اربعه وكلامي معاه جاف وأسلوب اني بايعاه هو حاول يجيي خمس مرات معايا وصديته كل مرة آخرهم النهارده قرب العصر 
بيقولي الي بيحب حد مش بيتمرع عليه قولتله الي بيحب حد مبيهنهوش مبيذلوش مبيهددهوش مبيزعقلوش ومردش لحد دلوقتي بالرغم أنه بيفتح 
وقال متسمعيش لامك ماليه دماغك الي بينا كتير دي طايشه قولتله احترم نفسك ومتسوقش فيها 
ماما ماكده عليا مكلمهوش ولا ارد عليه بالرغم هو قال دي اخر مرة وهتاجهلك قولتله بالسلامه 
علما دا أسلوبه ف الزعل الاهانه ليا ووعدني كتير اوي يتغير لكن مفيش تغيير وامي اول مرة تعرف أن دا أسلوبه معايا لاني مكنتش بحكي حاجه
واخدين بعض عن حب سنين 
تنصحوني اعمل اي

French Fries_64858 🇪🇬 · Accepted Answer

متكمليش معاه بالوضع دا عشان دي هتبقي حياته معاكي لو هتستحملي دا بعد كدا اوك بس هو طريقته مش هتتغير و قلة ادب جدا انه يقول امك ملت دماغك خدي قرار ع اساس ان دا مش هيتغير

Chilli_69780 🇪🇬 · Answer

انصحك ابعدي من الان

Apple_71528 🇪🇬 · Answer

متكمليش لسه على البر الحب تسامح

Sugar_65265 🇪🇬 · Answer

كتير قولتله م عاوزاك بس انا متعلقه بيه اوي وبحبه وهو بيعشق التراب الي بمشي عليه لما بيهدى بيعتذرلي ويصالحني وهكذا 
مغرقني هدايا وحب لكن دا طبعه وقت العصبيه والزعل

Sugar_65265 🇪🇬 · Answer

كتير قولتله م عاوزاك بس انا متعلقه بيه اوي وبحبه وهو بيعشق التراب الي بمشي عليه لما بيهدى بيعتذرلي ويصالحني وهكذا 
مغرقني هدايا وحب لكن دا طبعه وقت العصبيه والزعل

Apple_71528 🇪🇬 · Answer

هتندمى الهدايا الماديه زاءله الاحترام والاحتواء والتسامح صفات شكله ميعرفهاش

Sugar_65265 🇪🇬 · Answer

للاسف أنا اتكلمت عن اهلي بكل حاجه وكل السوء الي فيهم مبقاش يحترم حد ويغلط فيهم وانا كمان بغلط فيهم قدامه عارفه ان دا غلط بس انا اتعلقت بيه حاسه طاقتي نفذت من كتر الي بيحصلي منه وقت الزعل 
عيوبه كلها ف وقت الزعل 
لكن بيحبني فوق ماتتخيلي يتمنالي الرضا ارضى بيخاف عليا من الهوا ف الحقيقه م بيقدر يشوف دموعي لكن ف الشات بيتكلم كدا

Sugar_65265 🇪🇬 · Answer

طيب بعد الموقف الي اخدناه دا ممكن يتغير ؟
كل مره كنت بسكت وبعدي لما يعتذرلي وانسى ف النقيض اني ممكن افضل احاول كتير معاه عشان اصالحه 
عيوبه كتير ف نقطه الزعل والمشاكل وتصعيد الأمور وسوء الظن 
قلبي رافض يسيبه وبيقول اديله فرصه كمان عقلي بيقول مينفعش اكمل بالرغم بقاله سنين معايا وبيخاف عليا اوي وم حارمني من حاجه ويفرشلي الارض ورد لما نتقابل 
بالرغم زعلت كتير منه وقولتله مش عاوزاك وهنسبب بعض بس مقدرت

Banana_62165 🇪🇬 · Answer

اول حاجة امك ان شاء الله هتخربها ما بينكم اى مشكلة اى كانت متطلعش براكم وردود فعله حتى لو متخلفة بسبب افعالك مبقاش ارجوز لوحدك انتى ماشيه فى اتجاه انك تخسريه نقطة

Sugar_65265 🇪🇬 · Answer

مكنتش بتكلم عن اي حاجه تحصل هو راح حكالها الزعل ع أساس الكلام الي قاله عادي واي يعني قاله وبيشتكي ومستني منها تغلطني 
وانا سكت عن إهانته ليا من اول ماعرفته بقالنا تلات سنين ع الحال دا ولسه امي تعرف أن دا طبعه ف الخناق ف المشكله دي قالت لو بيعمل حساب لأهلك مكنش عمل كدا فيكي وانتي ف بيت أبوكي 
ولازم ناخد موقف عشان يقف عند حده

Banana_62165 🇪🇬 · Answer

بصى الملخص انا مريت بتجربه مشابه حب سنين كتير لازم تحتوى الموقف وتحتويه وهو لازم يغير من اسلوبه ومتدخليش اى حد بينكم ودلوقتى اهو من كتر المشاكل والناس اللى تدخلت سيبنا بعض وكل واحد فينا ندمان اشد الندم وبنحاول نرجع مش عارفين المشكلة لو طلعت برا عنكم وناس دخلت دى بداية النهاية

Sugar_65265 🇪🇬 · Answer

ان شاء الله ترجعوا ربنا ييسر لكم أموركم يارب 
مش بطلع زعلنا برا بالعكس هو ممكن يحكي لامي أو لابوه او اي حد سأله أنا لا
تعبت من كلامه كتير لدرجه خالتو توفيت من كام يوم يوم ١٩ ف الشهر زعقلي واهاني برضو ومعملش حساب للانهيار الي أنا فيه بالرغم هو كان عارف 
طلبت منه يتغير يقولي متتامريش وتتشرطي ويفتكرني بتأمر عليه حاسه ان الزعل مبقاش يفرق معايا اوي غير الاول كنت اعيط واروح اصالحه حتى لو مزعلني

Banana_62165 🇪🇬 · Answer

نفسى والله بس الامور بقت صعبة عموما انتو واخدين نفس المسار هو هيعرف غلطه ده بعدين بس وليه بلاش الموضوع مش هيبقى احسن حاجه واكيد هو بيعمل حاجات كتير كويسة حاولى انتى تيجى على نفسك واعمليه شوية من اللى هو عايزه وقوليله وواجهيه بكل اللى بتحسيه وان وجب عقاب فبعدك عنه لفتره لو بيحبك هيعلمه خليكى انتى اللى بتهدى الامور صدقينى هتقولى يا رتنى كنت عملت

Sugar_65265 🇪🇬 · Answer

خير لينا وليكم ان شاء الله يارب

Sugar_65265 🇪🇬 · Answer

توضيح بس
بيقولي أنه مش ف وعيه ودا عمل من مرات خاله 
وأبوه طلق أمه فعلا بالرغم هما اجداد وسنهم كبير 
وبيتخيل حاجات مرعبه وبيندم بعدها ع طول (دا كلامه) 
لكن مش بيجي يقولي ندمت حقك عليا متزعليش أو اي حاجه يصالحني بيها ف وقتها لما يحس أنه ندمان عملتله بلوكات ع الابليكيشنز كلها بس مرنش برضو

Mushroom_51170 🇪🇬 · Answer

سيبيه لان واضح ان ده طبع ومش هيغيره والإنسان لا يملك الا كرامته واضح كمان انه مش بيعترف بغلطه وعايزك دايماً اللي تستحملي وتسامحيه

Carrot_55533 🇪🇬 · Answer

اهربي ... ده في فترة كل واحد بيظهر أحلى ما عنده ما بالك لو اتقفل عليكوا باب و بقيتي علي ذمة واحد حلوف زي ده هيعمل فيكي إيه ده مش هيبقى لسان بس قذر و طويل لا في بلاوي تانيه

Marshmallow_54069 🇪🇬 · Answer

تشتري نفسك