زعل الخطيب

Cherry_33782 🇪🇬

منذ شهرين

شعور عاطفي

عبّر عن شعورك بشكل مجهول

دلوقت انا مخطوبه لواحد كنا متعرفين سوشيال بقالنا سنه ونص اهو بس فيه كل المميزات حرفيا ما علينا المهم امبارح اتخانقنا عشان  انا كنت منزله استورى انستا ففى ولد دخل رد عليا وقالى اللى هو شكلك حلو وكدا المهم ان هو كان متخانق معايا كذا مره بسبب الحوارات دى هم بيدخلوا يبعتولى  ف بيقولى ابعتى اكونتاتهم اهزقهم وكدا المهم كل مره مش بوافق اصل والله مش عايزاه يعمل مشاكل ف راكم اوى لان الموقف حصل كتييييير اوى الولاد تبعتلى ا ع استوريهاتى وارجع احكيله يزعقلى عشان عايز يدخلهم يهزأهم المهم طبعا هو شايل م اكونته البنات كلها بس انا عندى ولاد كتير بس هم اللى عاملين فولو ليا وهو برضو كان قالى قبل كدا اشيلهم وقولتله بعدين بس مشيلتهمش لكن انا اول ما عرفته قولتله شيل البنات اللى عندك شالهم كلهم يعنى هو صراحه مخلص ليا ف المهم امبارح بقا اتخانقنا ع الحوار دا وانى ازاى الولاد تبعتلى وكل مره مرضاش اقوله عليهم عشان يزعقلهم وكدا وزهق عشان كل مره نفس الاسطوانه ويعاتبنى قعدت ييجى نص ساعه هو ساكت وانا كل حبه اقوله رد عليا انا اسفه انا عارفه انى غلطانه وهو مبيردش كنا بنتكلم كول وكدا المهم اقوله خلاص والله انا معترفه وانا اسفه برضو ميردش والله نص ياعه بعتذر واصلا طلب منى اشيل الاستورى شلتها وبلكت كله م عندى واكونتى اصلا برايفت المهم قومت اخر ما زهقت قولتله انت مش بترد ليه قالى معنديش حاجه اقولها فقفلت قولت اسيبه يهدى شويه يمكن يكلمنى لما يلاقى انى بعتذرله وكدا مكلمنيش ف عدا ربع ساعه قومت رنيت بقوله يعنى انت اللى مستنينى اكلمك اصالحك مش كانت العكس قام قالى انا مش مستنيكى اصلا ف حسيت احساس وحش قومت قولتله تصدق انى غلطانه انى كلمتك وقفلت المهم ان قبل كدا كنت قولتله مبحبش حد يسيبنى لدماغى وانه لازم نتصالح ف نفس اليوم بس هو ولا حاول يقبل اعتذارى حتى المهم انه النهارده محاولش يكلمنى مع ان والله اعتذرتله كتير امبارح وقالى انه زهق منى ومش عايز يسمع صوتى بس قدرت انه متضايق منى مش عارفه اعمل اى دلوقت بعتله نقطه ع اساس اعرف هو ف البيت ولا بره لقيتها موصلتش يعنى هو بره مش عارفه هل المفروض اعتذر تانى ولا لا بس خايفه يتعود ان كل مره اعتذر واحاول لو بيحبنى فعلا كان سامحنى ع الاقل بعدين ناقشنى ف اللى بيضايقه تانى مش عايزه ادخل الاهل ف الموضوع عشان حسه الحوار تافه اوى اصلا مش مستاهل بس انا مش فاهماه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

ليه الرجالة بقت بخلانة في المشاعر والماديات؟

بقالى فترة بدور ع تعبير نفسي أعبر بيه عن المعاملة الى أحب اتعامل بيها او اى بنت نفسها تتعامل بيها من الإنسان الى ربنا اختارهولها وهى كلمة "الفضل" معناها في اللغة الزيادة عن الحاجة المطلوبة وممكن كلمة الإحسان.. فكرة ان حد يكون عايز يبذل عشانك هو جواه شعور بالمؤلية تجاهك مش مجبور يشيل المسؤلية دي لكن هو حابب يلتزم الإلتزام دا تجاهك انت بالذات في سبيل إنك تفضل موجود.. لما بحاول اعمل كومنت ع الفيس بخصوص موضوع الكرم والبخل في العلاقات سواء في المشاعر او الماديات بلاقي رجالة كتير بتهاجمني فبقرر انى متحشرش تانى ومعلقش ع حاجة تفاديا انى ادخل مع راجل في صدام مع ان والله كلامى بيكون طبيعي جدا..لما مثلا بقزل نرجع الامور للأصل والراجل يقوم بتكاليف بيته وبلاش موضوع القائمة دا ف راجل يرد عليا يقولى انتى عارفة اهل البنت بيطلبوا كام وبيطلبوا ايه .. طيب انت روحت لناس مش قد امكانياتك غير انهم بيطلبوا طلبات صعبة دا مش معناه ان كل الاهالى كدا مدام انت مش قادر دور ع حد في حدود امكانياتك وهتكون مبسوطة بيك جدا لكن انا بشوف رجالة كتير بيكونوا متيسريين وهما ابخل خلق الله ويفاصلوا ف كل حاجة في الجوازة..في إعتقادى ان صميم قوامة الراجل هى الكرم والنزاهة.. البذل شئ جميل ولازم يكون من الطرفين ومش لازم يكون شئ تعجيزي بس تحس ان الشخص الى معاك بيبذل أقصى م عندة تجاهك وهو مبسوط وهو من جواه عايز يجبلك الدنيا ويجبلك احسن حاجة وانتى الى تبقي عايزة توفريله.. لكن انا بشوف ناس متجوز كأنهم اغراب هو بيعامل مراته انها مش قريبته اساسا فميعرفهاش اى حاجة عنه.. قصدي ليه نتجوز ناش مبنثقش فيهم ليه نعيش أغراب في نفس البيت.. ليه كل إنسان ميستناش الإختيار المناسب ليه بدل م يختار حد مش حاسس بالإنتماء ليه فيظلمه مع ان دا مش مبرر بس هى المشاعر الإنسانية معقدة.. لسه في حد بيعبر عن مشاعره بالبذل والكرم لسه فيه حد عنده مشاعر اصلا ...عرض المزيد

0 الدعم

0 نصيحة

Apple_73940 🇪🇬

صاحبتي الغداره اخدت خطيبي من غير ما احس

انا حصل معايا موقف جرحني وكسرني قوي من اعز حد ليا 😭💔 انا كنت بحب واحد معايا في الجامعه كنا بنحب بعض قوي وعشان مش يبعد عني او انا اروح منه يجي علشان يخطبني ونبقى مع بعض رسمي من غير خوف وقدام الناس المهم انا عندي واحده صاحبتي بعد ما اتخطبت له شهرين هي من الغيره والحقد اللي جواها عملت المستحيل عشان تاخده مني وراحت قالت حاجات عني ما حصلتش وصاحبتي دي احنا اصحاب ومع بعض من زمان من واحنا صغيرين يعني يعتبر متربيين مع بعض ودخلنا نفس الجامعه مع بعض وفي الاخر سابني وراح خطبها وانا عرفت الكلام ده بعد ما اتخطبت له بجد انا ما كنتش اتوقع ده منها 💔😭😭𑹅ن ساعتها وانا مخنوقه وتعبانه نفسيا مش قادره اتخطى الموضوع ده ? ...عرض المزيد

1 الدعم

3 نصيحة

Mushroom_68593 🇪🇬

امبارح اتعرضت لموقف ومفرقش معايا ولا دمعه!

امبارح اتعرضت لموقف لو كنت اتعرضت ليه من سنه واحده كان جالي فيه انهيار عصبي بس انا اتعاملت عادي و حقيقي مفرقش معايا حتي دمعه واحده منزلتش اكتفيت بس اني امشي و بكل هدوء لدرجه ان اللي قصادي مصدقش ان دا انا حتي انا مش عرفاني لحد دلوقتي!!!(يظهر ان انا اتجننت) ...عرض المزيد

0 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع