أنا وصلت لمرحلة مش فاهم فيها نفسي… عندي اكتئاب مش بس عشان اترفضت، لكن عشان حبيت واحدة باردة، واحدة حسستني إن كل اللي جوايا مالوش قيمة. أنا والله العظيم حبيتها بصدق، كنت شايف فيها أماني، بس في الآخر خرجت من حياتي كأني ولا كنت موجود. يمكن هي كرفتني عشان شافتني مغرور أو نرجسي، بس الحقيقة إني كنت بحاول أكون أفضل، كنت باخد كورسات، بحاول أتعلم، أتغير، أتحسن… بس واضح إن كل محاولة عشان أبقى كويس بتتحسب ضدي. أنا حتى لما بوقف شغلي وأنزل أصلي، بيتقال إني متصنع. بقيت أحس إني مهما عملت، الناس شايفاني غلط. شايفاني إنسان تقيل، ملوش لازمة، وحش. الخوف الحقيقي مش إني موجوع… الخوف إني أفقد الحنية اللي جوايا. الخوف إني أبطل أحس، وأتحول لحد بارد زيهم. أبقى شخص مبيهموش، مفيهوش رحمة ولا حب. وده أكتر شيء مرعب بالنسبالي. بقيت حاسس إن لو مت، محدش هيتأثر… يمكن حتى الناس هتنبسط. بس أنا مش ميت… أنا عايش، بس جوايا حاجات ماتت خلاص. 🖤

1

6