خطيبتي سابتني وأنا في أضعف حالاتي

Q: ازاي اتخطي بنت كنت بحبها ونسيتني؟

ازاي الواحد ممكن يتخطي واحده كان بيحبها وكانت كل حاجه له وعمل عشانها حاجات كتير اوي وباعت مع اول فرصه وسابو وراحت ارتبطت بواحد تاني بعد شهر واحد وعايشه حياتها وانا لسا واقف عند نفس النقطه والحوار عدا عليه ٥ شهور ؟

Q: وحدة واكتئاب وضغوط... وخيانة توجع

الوحده - الاكتئاب - الضغوط- الخيانه

Question

خطيبتي سابتني في اكتر وقت كنت محتاجها فيه جنبي وخصوصا اني كنت بمر بظروف صعبه اوي وحالتي النفسيه كانت في الأرض، انا مازلت مش عارف اتخطي الموضوع بس الحمد لله اني مكملتش حياتي مع حد زي ده، الله اعلم في المستقبل كان هيحصل ايه

Cherry_56543 🇪🇬 · Answer

انا شايفة ان الخطوبة اتعملت اساسا عشان اتنين يتعرفوا على بعض ويقدروا يقرروا هل هما مناسبين لبعض ولا لأ ويكفي طرف واحد بس يحس ان الطرف التاني مش مناسب ليه فالبتالي يفسخ مش لازم ابدا شرط ان الاتنين يبقي عاوزين يفسخوا فكونها حست انك مش مناسب ليها ففسخت ده مش عيب ف حقها ابدا لأن دي حياتها ومستقبلها فالمفروض انت تكون شخص ناضج ومتفهم ده ومتبقاش شايف انها كده مش كويسة

Cherry_56543 🇪🇬 · Answer

كمان حاجة الخطوبة مش مكان لحل المشاكل النفسية اللى بنمر بيها احنا المفروض بنقبل على الخطوة دي واحنا مؤهلين نفسيا وعندنا استعداد ليها فهي مكنتش مطالبة انها تقف جمبك لأنها مش زوجتك هي مجرد بنت حاولت تشوفك كإنسان مناسب ليها ده محصلش فكل شئ قسمة ونصيب

Chilli_55453 🇪🇬 · Answer

متفق جدا معاكي، بس كان فيه ظروف بمر بيها وكانت حالتي النفسيه سيئه جدا،ومحصلش تقدير للظروف دي او حالتي وقتها ، مازلت بحترمها جدا ولما بشوفها أو بشوف حد من أهلها بتعامل بكل احترام وأدب

Cherry_56543 🇪🇬 · Answer

انا فاهمه ده بس انت للأسف مستني من حد يقف جمبك هو مش مطالب بده انت حاطط توقعات عالية على علاقة المفروض انت مش عارف هتكمل ولا لأ ثم ان ده افضل من انها تسيبك ف الوقت ولا تفضل معاك وهي مش عايزاك واول ما تحس انك بقيت كويس برضة هتسيبك ؟
انت فاهم قصدي؟فكلتا الحالتين هي مش نصيبك ادعي بس ان ربنا يعوضك بخير منها ويعوضها بخير منك

Chilli_55453 🇪🇬 · Answer

الحمد لله

Biscuit_56584 🇪🇬 · Answer

في داهية اللي حصلك دا كان حاجة كويسة لأنها عرفتك معدن اللي قدامك

Chilli_55453 🇪🇬 · Answer

اكيد طبعا