انا بفكر ان انا ارفع على ابويا قضيه بس خايفه ان انا اشيل وزر ان انا بعمل في ابويا حاجه حرام هو مش سايبني انا بس هو سايبني انا واخويا الكبير اخويا الكبير بس من سته ثانيه اخويا راجل كبير بس ولا مره شف اخويا خايف يتجوز عشان ما يعملش زي ابويا اخويا بيخاف من الستات ومننا كلنا بيخاف من امه وبيخاف عليها منه ابويا اللي انا اعرف عنه ان هو كل شويه يتجوز ويطلق ما اعرفش بقى هو مخلف ثاني غيرنا ولا لا بس انا ممكن اعرف عادي بس انا مش عايزه اعرف وفي نفس الوقت انا مش عايزه الست الغلبانه اللي كل يوم تشقى وترجع لي بالليل متاخر وهي ما بتقدرش انا امي ست كبيره عشان تصرف عليا وتصرف على تعليمي هي مش قادره هي تعبت نفسها تقعد في البيت نفسها تهتم ببيتها نفسها تقعد تشوف مذاكره بنتها انا امي انفصلت يوم ما هي خرجت من المستشفى عشان تولدني الموضوع كبير وهم سابوا بعض هو مريض نفسي وكل حاجه انا عارفه ان انا ربنا هيعوضني ان شاء الله بعدين بس في نفس الوقت انا مش عايزه اسيبه ان هو بيستمتع وانا اللي مذلوله انا اللي اي حد من صحابي او من عندي من مدرستي يقولوا لي فين ولي امرك الاب اقول لهم ابويا مات انتم متخيلين ان انا يتيمه من اول يوم اتولدت فيه وهو عايش وبيتجوز وعايش حياته عادي جدا وانا عارفه ان هو هيجي في يوم والمرض هيشتد عليه وهيجي يدور على مين يدور عليا انا عشان اجي اخدمه وخايفه ارفض يبقى ده حرام وخايفه اوافق ابقى بموت نفسي بالبطيء انا لسه 18 سنه عايزه اعيش حياتي عايزه اعيش سني عايزه ابقى زي اصحابي البنات اللي تخرج مع اخوها يبقى سندها لو حصل لها اي مصيبه اللي لو حصل لها اي حاجه تجري على ابوها وتقول له بابا انا عملت كذا وكذا وكذا

0

3