Corn_68719 🇪🇬
منذ 3 أسابيع
.
شعور فخور
كان عندي خوف كبير من التحدث قدام الناس في الشغل، وخصوصًا بالإنجليزي، وده عطلني كتير. كل مرة يكون عندي برزنتيشن كنت بحس بالرعب، حرفيًا. اللي غير حياتي كان مديري في الشغل، طلب مني أتكلم قدام ناس كتير على مستوى إداري عالي. بصراحة كنت على وشك أرفض وقلت له إني مش قادر. قال لي: “هتعملها، وأنا معاك.” ولقيت نفسي فعلاً في الموقف… زي اللي اترمى في البحر ولازم يعوم. وفعلاً… اتكلمت، وقدمت البرزنتيشن، والمفاجأة إنها عدت بشكل رائع! وخدت فيدباك ممتاز، ومن يومها الخوف قل. بقى فيه شوية قلق طبيعي، بس مش نفس الرعب. اكتشفت إن جوانا طاقة وقدرة مش طبيعية، بس مش هتعرفها غير لو اتحطيت تحت ضغط. ربنا خلق جوانا قدرة مبهرة على التكيّف، بس لازم ندي لنفسنا الفرصة نكتشف ده. الخلاصة؟ خاف… بس جرّب. إرمي نفسك في التجربة الجديدة، وهتشوف فرق كبير. حتى لو فشلت، هتتعلم دروس عمرك ما كنت هتعرفها وأنت واقف مكانك خايف. تحياتي ❤️
6
0
