انا دايرتي تكاد تكون محدوده جداً تتعد علي صوابع الايد ال وا حده و رغم ان ليا اصحاب و معارف كتير و كنت social butterflyزي ما بيتقال قبل ما اشتغل من البيت الا ان محصلش نصيب ان حد كلمني او كان عايز يرتبط بيا لدرجه ان خلاص كلها كلم سنه و اوصل ال٣٠ و محدش خبط علي باب بيتنا يسأل عني او بتقدم زي باقي البنات… اهلي طبعاً قلقانين جداً من الموضوع ده و كلنا بنقول نصيب خصوصاً ان مفيش حد شافني و اختلف في الرأي عن تربيتي او شكلي او اخلاقي او تعليمي الحمد لله بس لسبب ما لحد دلوقتي مفيش نصيب خالص حتي لما بيحصل اعجاب بلاقي ان الدنيا بتيجي فمرحله و تقف اللي هو احنا اصحاب و بس لكن دايماً بقع في ناس زي ما يكونوا مستكتريني عليهم او شايفين اني كبنت ممكن اكون اعلي في حاجات او واعيه بزياده و بيمسكهم الخوف رغم اني والله ما شخص يخوف خالص و بسيط لكن دايماً حظي كده و مش عارفه هفضل كده لحد امتي الموضوع مكنش شاغل بالي ابداً بس مؤخراً بدأت احس ان كل اصحابي و اللي اعرفهم من ايام الكليه و عندي عالسوشيال ميديا اللي بتتخطب و بتتجوز و اللي بتتعرف علي حد و كده و انا مفيش خالص!!!! حياتي واقفه… اللهم لا اعتراض

3

14