جت فترة كبيرة فى حياتى كانت الحياة ملهاش معنى وكنت بعيش فى انعزال واكتئاب لحد ما حاولت من شهرين ابدأ اغير ده واعمل حاجات حتى لو مش عايزاها زى تمرينة بسيطة فى البيت أو انى اشتركت فى مسابقة عشان ابعد عن الانعزال وبحاول اقرب من ربنا واعمل اى حاجه بس لسه بردو مش بعرف ومش بقدر وحرفيا يوم اه ويوم لا مثلا امبارح كنت حاسة بإنى ممكن اقدر اعمل حاجات وحاسة بإنتاجية والنهاردة لأ وفعلا فضلت طول اليوم على السوشيال ميديا أو بسمع اغانى أو فى احلام اليقظة.. بحاول أمشى حياتى بجد بحاول أغير ده قبل ما ابدأ تالته ثانوى محتاجة اقرر إذا أنا متأكدة من الشعبة اللى اختارها أو حتى الدروس وحتى المسابقة اللى دخلتها أو أصلح حياتى بس أنا حقيقى مش كويسة وعشان كده كل ما أحاول بقع وبرجع أسوأ أنا بجد حياتى واقفة وبتضييع بس. ومش بس بزعل على فكرة إن مش بعيش حياتى لكن بزعل أكتر أن ربنا مديلى فرصة كل يوم وأنا بضيعها حاسة انى عايزة اموت ومش هينفع أنا مش هعرف اقابل ربنا كده وحاسة انى عايزة أعيش واكمل واحاول بس انا بردو مش كويسة .

4

2