حلمي مات وانا محطمة من الخيانة

Mushroom_53407 🇪🇬

منذ 3 أيام

شعور محبط

موضوع:

ايه الشئ اللي فقدته وصعب ترجعه؟

ممكن تكون تافهه بس بالنسبالي كان نجاحي كنت في السوشيل وعندي رقم محدش كان قادر يوصله واتعرفت في السوشيل وعلي التيكتوك والتليفزيون لحد ما وصلت ل٥مليون وبعد ده كله حبيت وحلمي مات مع شخص كنت فكراه هيقف في ضهري لكنه هدم حلمي ومبقتش قادره اطلع تاني علي السوشيل ولا حتي قدام الكاميرا علشان اتصور صورة ادمرت وتعبت والدنيا موقفتش لحد كدا صحبتي اللي كنت فاكراها هتسندني وتقف جمبي باعتني في اول المطاف بقيت قاعده هتجنن ومش فاهمه العيب فيا ولا فيهم

صاحبي اتغير عليا وحاسس إني مأڤور وتعبان

انا كنت نزلت بوست ان اقرب حد ليا في صحابي اتغير عليا و بقي فجاه مش زي الاول بقي يشوف الرسايل و ميردش بس علي غيري يرد و ناس كتير قالتلي خلاص ابعد و معظمكو قالي الي ميقدركش متقدرهوش بس يا جدعان الحوار متعب انا مش قادر حاسس اني كنت تقيل في اهتمامي بالتفاصيل و حاسس ان انا السبب في كل ده و انا مش عايز اواجه حاس اني هبقي بتقل اكتر يا عان و هو حرفيا الفتره دي كل حاجه ليا يعتبر انا عارف اني تقيل في اني بنزل معاه علطول و بقعد معاه كتير اوي و في اي حته بيرحها ببقي لازقله عارف ان كل ده كان غلط بس انا عشان كنت في فتره مش حابب اقعد مع حد بس هو كان بالنسبالي حد مهم انا يا جدعان 23 سنه و حاسس اني ماڤور وبس انا فعلا تعبان مش حمل اخسر حد في حياتي كفايه اني خسران نفسي و اهلي و مستقبلي انا مش عارف انام ولا اكل من التفكير انا تعبت اوي يا جدعان و تايه بجد ...عرض المزيد

1 الدعم

5 نصيحة

جرح اليتم مع أب حي.. ليه الطفل يتحمل ذنب الانفصال؟

بيصعب عليا فكرة ان الاب والام يفصلوا ويرموا عيالهم وكل واحد يتجوز ويشوف حاله زي قصة علياء قمرون بالضبط بغض النظر عن التيكتوك وانها اتقبض عليها بسبب الفيديوهات والكلام ده انا برضو كنت بعاني من غير اب ولا ام مش عارف ايه ذنب الطفل فالانفصال الكلام ده مش قصدي بيه اكسب تعاطف ولا اصعب علي حد بس بكون مش فاهم المطلوب نفسية الطفل تبقي كويسة ويعيش طبيعي ويتجوز ويعمل أسرة ازاي بعدها انا طبعا مش هقدر اكتب الكلام ده عالفيس ولا احكيه لأي حد فقلت افضفض هنا بس شوية .... حتي والدي لما كنت اروحله كان بيعاملني اني عبء زيادة وكان اسلوبه صعب وطردني اكتر من مرة ولا اكني ابنه انا صحيح اتوجع كتير وحسيت باليتم حتي وابويا عايش بس انا مش لاقي اجابة تخليني ارتاح الموضوع مش بس كده لكن بيخلي الواحد عنده ثقة بنفسه واحنياح لاامان والحنية ...وأقل تصرف كويس من اي حد غريب بيخليني اتعلق بيه بسرعة حاسس ان حياتي جحيم من غير مختارها كان نفسي بس ابويا يفكر ان ابنه وهو صغير لما يشوف اب بيشيل ابنه او يحضنه او يدلعه ويقعده علي رجله او حتي يجبله هدايا ويلاعبه ....هيكون شعوري ايه او هستحمل منظر زي ده ازاي ....هكون حجر لدرجة ان النقص ده مينزلش دموع من غير مقدر امسكهم هبات ازاي كل يوم عالمخدة وانام مرتاح وحاسس بالامان او حتي هحس بايه لو شفت ستوري عن الاب وانه سند ودعم وامان و انه و انه بس دي كانت فضفضة بسيطة مش قصدي بيها صعبانيات وكلام فاضي بس جرح مكتوم فنفسي بخرجه عشان ارتاح اسف عالاطالة ... ...عرض المزيد

4 الدعم

11 نصيحة

زعلانة أوي.. ليه دايما بعشم نفسي وبتجرح؟

من خمس سنين كان ليا صاحبة قريبة مني اوي ، كنت وقتها طايشة شوية ومش قريبة من ربنا في مرة اعجبت بحد و حصل حاجة كده ف بقينا بنتكلم شات هو عارف اني بحبه بس احنا كنا بنتكلم كصحاب بس و صاحبتي دي كانت عارفة اني بحبه بعدها بفترة اكتشفت أنهم مرتبطين عديت الحوار و علاقتنا زي ماهي و بعدت عنه تماما ( صاحبتي اللي طلبت اني ابعد عنه) بعدها بسنة تقريبا حصل حوار و بقى في شات بيني وبين شخص ما ،كنا صحاب في البداية بعدين بدأت احبه عشان كان كويس معايا ولطيف بعدها بشوية اكتشفت أنه واخدني كوبري عشان يوصل لصاحبتي وأنه بيحبها هي و ارتبطوا وانا بعدت عنه بدأت افوق بعدها و قربت من ربنا و ظبطت حياتي و شبه جاتلي تروما و مبقيتش عايزة اي حد يقرب مني و اقتنعت اني ماتحبش من سنة في شخص بطريقة ما قدر يوصلي و قالي أنه بيحبني وفضل ورايا فترة كبيرة تقريبا سنة لحد من فترة صغيرة يعني وانا كنت بصده كل مرة عشان حرام و عشان انا مكنتش عايزة اقرب من اي حد خالص وهو كان عارف الحوارات اللي عديت بيها ف كان متمسك بيا وبيحاول يقنعني أنه كويس ومش هيضايقني وووو بس انا كنت برفض دايما و عدى الحوار بس انا اتزرع جوايا حاجة حلوة اني اهو اتحب عادي ده فلان حبني و فضل ورايا كتير لحد امبارح اكتشفت أنه بيحب واحدة من اربع سنين وكانوا مرتبطين و هيتقدملها قريب حسيت بحاجة اتكسرت جوايا و رجعت زي زمان و بدأت اقتنع اني فعلا ماتحبش زعلانة اوي اني دايما بعشم نفسي ، انا عارفة أن ده ذنبي عشان بعدي عن ربنا و أن كل دول كانوا علاقات حرام ف ده جزائي بس انا بجد زعلانة ، ادعولي ربنا يجبرني و يطلع من جوايا الحزن ده ...عرض المزيد

5 الدعم

3 نصيحة