هل من حقي أختار شريك حياتي؟ تعبت من رفض أهلي

Strawberry_74717 🇪🇬

منذ 8 ساعات

شعور محبط

موضوع:

سيطرة الاهل !

سؤال هل انا مش من حقي اختار شريك حياتي اللي شايفاه مناسب لية ومرتاحة معاه ؟ اتعامل ازاي مع رفض اهلي بدون اسباب منطقية والدي نرجسي متسلط مجرد اني اختار حد بعينه دي ازمة بالنسباله انه كدا فاقد تحكمه فية عاوز هو اللي يختارلي حد على مزاجه يعرف يستمر في التحكم فية من خلاله غير كدا هو مش هيوافق على اي حد اختاره انا نفسيتي تعبت انا تعبت بقالي سنين في الدايرة دي وفعلا بحب الانسان ده وشايفاه مناسب لية حجة والدي اللي بيتحجج بيها لما مش بيلاقي اعذار انه اصغر مني وقد ايه ده شيء مشين جدا وازاي عملت كدا والدي بيجلدني على النفس اللي بتنفه بيعاملني اسوء معاملة بتهان وبتذل وبيتقل مني وبيتقالي كلام ماينفعش يتقال واتضربت وطردني بردو نفسيتي متدمرة انا دكتورة محترمة ٢٦ سنة معدتش قادرة اتحمل انا مش عارفة اعيش والدي مش سايبني في حالي ومش سايبني اعيش حتى عادي زي اي انسان طبيعي

تعبت من انفي الكبير وعدم ثقتي في نفسي

انا ملامحي حلوه بس عدا الانف لانو ورثته عن ابوي وجدتي انف كبير جدا وعريض وشكله مايليق علي تنف بنت يعني حتي لو انف ولد يكون واضح انو غريب دايم اخبي وجهي لما اتصور مع اصحابي ودايما مش بحب اخرج ومش بحب اقابل حد ودايما شايفه انو كل البنات احلي مني لان فعلا الشكل مش الطف حاجه وكنت بحاول اتفادي اني اركز معاه بس فعلا شكلو بقا واضح ومش حلو جدا انا تعبت بجد وسني صغير وميسمحش اني اعمل عمليات تجميل غير كده اهلي مش هيوافقو ومع ذالك انا نفسي مش هوافق لاني بحس اني مصطنعه جربت تمارين اليوجا فيس وبقا شكلو اكبر واغرب فعلا وكمان مش بحب المكياج مثلا اني اعمله بالكونتور غير برضو أن اهلي بيرفضو تماماً المكياج وانا فعلا مش متقبله الشكل مش قادره اخرج ولا اتكلم ومفيش ثقه بالنفس خالص وبسبب كده ملامحي كلها بقت وحشه يعني لما اشوف عيني لوحدها بتبقي حلوه جدا بس اشوف صوره لوشي كلو بحس اني وحشه اوي بجد مش انا بس الي ملاحظه حتي اخواتي من زمان بيقولو نفس الكلام واخويا الصغير بيفضل يدايقني مع أنه مش فايدي حاجه اعملها بجد تعبت الي يعرف طريقه او اي حاجه يقول ...عرض المزيد

7 الدعم

10 نصيحة

أخويا بيخنقني نفسياً ومش طايقه حياته

أنا مش بحب أخويا هو من فتره اكتشف اني بكلم شب كلام عادي والشب دا رن ونزل قبلوا و هو كان بيحبني ف قالوا هاجي اتقدم والله ومش عارفه اي بعدين اهلي عقبوني وبالذات أخويا كان بيتعمل معايا ع اني عاهره حرفيا كان بيقذيني بكل الطرق بس تجنب القذي الجسدي عشان بيسيب اثر وفضلت شهرين بمر ب اسوء حاجات كنت بصلي واقول يارب ريحني وخداني عندك وشايفه الحياه سودويه ومش عوزه اعيش وبعدين بابا واقف معايا بعد مهزقني وقالي كلام صعب هو كمان قال ل أخويا بعد شهرين اديها الفون بدأ أخويا يعلق ع لبسي وع كل حاجه حرفيا فيا ومش تلبسي واللبسي واعملي ومش تعمل وصليتي قراتي قرأن وهكذا وانا بشوف أن العباده دي حاجه بين ربنا وبيني ماينفعش حد يدخل فيها الموضوع مقذي نفسيا جدا وانا حرفيا تعبت وماما بتخاف من أخويا جدااا لدرجه ان لم بخرج بتقولوا أن راحه عند اختي مش بتقولوا اني راحه كليه عشان شلت المواد اللي هو كان بيجي يوديني ويجبني ايام الامتحانات وكان عملي ضغط نفسي جامد وكل دا وبيقولي انوا بيحبني وبيخاف عليا بس انا حقيقي مش طايقه ولا عوزه ولا عوزه حبوا وانا عارفه اني غلطت وتبوبت واستحق حياه جديده وفرصه احسن ...عرض المزيد

1 الدعم

26 نصيحة

مشاكل زوجية صعبة.. عايزة نصيحة في موقف محرج

انصحونى اعمل ايه حصلى موقف غريب كده انا متجوزه بقالى 8 سنين وبحب جوزى وبعدين حصل مشاكل فى الشغل مع أبوه قعده فى البيت واخد الشقه منه علشان بأسم أبوه ونزلنا قعدنا ايجار طبعا بعدها كان تعبان نفسيا انا حاولت كتير اقف جمبه بس هوه لازم يسمع كلام أبوه بعدين يفضل نايم 3 ايام وانا انزل اروح واجى وهوه نايم مايعرفش عنى حاجه تطور الحوار لحد مابقاش فى اكل فى البيت وبقيت بعقد جعانه مفيش اى اكل انا بقالى كده 3 سنين فى مشاكل مامتى اتوفت وكنت متعلقه بيها جد كانت بتهون عليا اروح اكل عندها وخلاص واقول هينزل يشتغل وضع مهين أن راجل يفضل نايم 3 ايام ومفيش اكل فى بيته ومراته تنزل تاكل عند اهلها جه الصيف وابنه ولد عنده 15 سنه بالغ مش صغير انزل يدخل ينام على سريرى فى مكانى وريحه العرق والقرف اتخانق وارجع اسكت كلمت أبوه كتير مفيش اى رد ماشى فى البيت براحته لابس البوكسر بانتى زى بتاع البنات حظرت وقولت عيب كده وخناقه وأبوه برضو مفيش يتكلم مره والباقى طبعا نايم اخد راحته خالص فى البيت طبعا أنا معنديش اكل بنزل اكل عند أهلى فى يوم انا صاحيه الصبح ورايحه الحمام لقيت ابنه بيفتح باب الحمام وخارج عريان خالص حتى مش لابس بوكسر اتكسفت وخدش حيائ قولت لابوه شوفت ابنك عمل ايه قالى ازاى ده قالع خالص اقفلى الباب علشان ابنه يخرج من الحمام وانا كل ده ساكته مش بنطق المهم نزلت لاهلى وجيت ببعد المشاكل مع جوزى وابنه علشان متعصبش على حد لانى انا شايفه أن ده عيب دخلت لقيت جوزى بيتعصب عليا وراح يتكلم فى التليفون روحت المطبخ قولت اعمل اى حاجه ورحت لابنه قولتله البس تيشيرت لو سمحت كفايه موقف الصبح عيب متعقدش كده فى البيت قام ابنه قالى لا الجو حر مش لابس حاجه وهوه تخين الولد ومنزل الشوت لتحت سرته خالص وقاعد على الكنبه وشويه وأبوه جاى بيقولى انت ليه لبست تيشرت قالو طنط قالتلى راح قاله لا اقلع الهدوم واعقد براحتك فقولتله بتقول ايه قالى ده بيته ويعقد فيه براحته ولو مسكتيس هنقلع عريانين ونعقد فى البيت احنا الاتنين استغربت وبقيت فى هستيريا انت بتقول ايه وهو بيشتمنى باقذر الشتائم ويشتم امى إلى ميته وابويا فنزلت روحت لبابا وحكتله على اللى حصل معايا بعدها تانى يوم اتعامل بكل برود اتصل بيا ماردتش بعت رسائل ماردتش بعدها بعت قالى اوعى تكونى بتهزى وتسبينى المهم يوم وكلم بابا علشان يجى جاه مغلتش ابنه خالص وقال ده فتح الباب ومخرجش جوز اختى معجبوش الكلام طرده لأن هوه بعد مابهدلنى وشتمنى انا من غير ما اعمل حاجه ابنه المفروض كان يتعاقب أو يتقوم سلوكه مجاش خالص عليه وجه عليا وانا ماخدتش اصلا موقف ومتكلمتش علشان محجرش ابنه وابنه اصلا مش مكسوف من اللى حصل انا حاليا عند اهلى اتصل بيا وقالى ابنى موجود مش هيمشى من البيت شوفى عايزه تيجى تعالى براحتك طبعا أنا فى بدايه المشكله لما ابنه فتح الباب متكلمتش خالص وحاولت اتجاهل الموقف وقولت هوه هيتكلم معاه بس هوه عمل معايا انا مشكله كنت بتمنى بس يعاقبه من غير اى حاجه يفهمه أن كده عيب انا مش هرجع البيت تانى وتقريبا هطلب الطلاق عايزه نصحتكم فى الموقف ده ...عرض المزيد

2 الدعم

13 نصيحة