حاسه كانى مضغوطة ومنتظره الانفجار!

Strawberry_69310 🇪🇬

منذ أسبوعين

شعور محبط

انا حاسه كانى شبه كانز مضغوطة ومنتظره الانفجار فى اى وقت عادى وكل حاجه بتضغطنى بزيادة مش مسموحلى اتعب او احس بتعب بس لانى كدا بتدلع لما جيت افشكل خطوبتى اهلى وقفوا فى صفه هو لحد ماربنا كشفه انه خاين ومش أول مره يقفوا فى صف اى حد تانى ضدى عادى انا مش عارفه اسامحهم على معاملتهم زمان ولا قادرة اتخطى دلوقتى ولا عارفه اعمل ايه

علاقتي انتهت بعد الخطوبه بسبب مشكله عائلية

السلام عليكم ورحمه الله وبركاته انا من أربع سنين عرفت بنت وارتباطنا لحد بعد سنه ونص سبنا بعض ورجعنا بعد سنتين ومع بعض لحد من عشرين يوم تقريباً حصل مشكله عندها لما أخوها الأصغر منها شاف الشات والصور اللي بينا و المشكله كبرت بقيت عند والدتها وتاني يوم كلمتني كانت بتبكي عشان اللي حصل مع اني منبه عليها تمسح كل حاجه وهي ممسحتش حاجه المهم كانت بتكلمني وبتقولي أن اخوها هيعرف والدها وهتحصل مشاكل ليها وتطلع من الكليه وهتتحبس ف البيت وهياخدو منها الفون وكل حاجه وممكن يموتوا وكلام كتير وطلبت مني اكلم والدها واخد معاد وأروح اتقدم رسمي عشان نخلص من المشكله دي ومتتاذيش ووالدتها كلمتني وعشان كنت معرفها علي امي ف كلمتها هي ووالدتها وامي كلمت ابويا وحصل حوارات ولحد ما قررنا نخلص المشكله دي وابويا كلم ابوها واخدنا معاد وروحنا قبل العيد بكام يوم وخلصنا الحوار ده واحد قبل المشكله دي كانت علاقتنا تمام وبنتكلم يوميا ونتقابل وكل حاجه ماشيه تمام ومكانش حد يعرف حاجه ف بعد ما حصلت المشكله دي ورحنا اتقدمنا ودخلنا البيت من بابه وقرينا فاتحه وعدي يوم والتاني ولحد دلوقتي مفيش كلام ولا اي حاجه حتي يوم العيد كلمتها مردتش بعت واتس شافت ومردتش ومن ساعتها مبعتش تاني ولا حاولت أعرف حاجه تاني عشان انا قدرت ومتقدرتش وكلمت أبوها وكلمني وعيدت عليه وابويا كلمو برضو وتمام وكنت كل ما كا بنزل استوري تشوفو ومتردش ع رسالتي سواء المعايده او الي قبلها ووقت ما كنا عندهم ابوها قال هيسال عليا وعلي عليتي ولحد دلوقتى مردش غير يوم العيد من نفسو قال انا سألت نص السؤال وقال تمام سمع عننا كل خير وقال هيسال تاني ف شغلي واصحابي مش عارف ليه يعني هو فاكر نفسه رئيس مباحث 😂 بس قولنا ماشي أسأل براحتك وحقك تطمن ولحد دلوقتي ولا في رد ولا في تواصل والعلاقه بقيت شبه ميته وبخصوص اني اخد خطوه اني اتقدم واكلم أهلها وادخل البيت من بابه كانت هتحصل كده كده بس كانت هتحصل بعد خمس او أربع سنين من دلوقتي عشان وعدها ومديها كلمه وكنت قدها ووفيت الوعد ع الرغم المشكله بس انا كنت عاوز الموضوع ده يجي ف الوقت المناسب ومن غير مشكله زي ما حصل كده وبس آسف على الإطالة ...عرض المزيد

4 الدعم

4 نصيحة

والدي ظلمني وفضل اخواتي عليا رغم إني كبيرهم

انا كبير اخواتي و والدي ظلمني كتير مفيش حاجة كنت حاببها و عملهالي مع انه مقتدر ماديا بس صعب و متسرع في اتخاذ القرارات يعني اقوله عايز افتح مشروع كذا يقولي لا عايز اقدم في الكلية الحربية و محتاج منك مساعده يقولي لا طب انا عايز اسافر و محتاج منك مساعدة و هردهالك يقولي لا و علي طول كان متجاهلني اجي اروح واجب عزا مثلا يقولي متروحش هروح انا اجي اروح ازور حد من قرايبنا يقولي متروحش انا كدا كدا بروح اهوه علي عكس اخواتي اخويا الوسطاني طلب يسافر دفعله حق السفر كله و اخويا الصغير قدمله في معهد الشرطة و دفعله فلوس و حاليا بعد ماكبرت و وقفت علي رجلي بنفسي جاي يعاتبني انت مش بتيجي تقعد معانا ليه انت مش بتروح تزور فلان ليه انت ليه واخد جمب ليه و انا غصب عني هوه اللي قسي قلبي و عودني علي كدا من صغري 🙇 ...عرض المزيد

7 الدعم

7 نصيحة

تعبت من ظلم أمي وأخويا في البيت

يا جماعه عايز حد يساعدني من زمان امي ديما بتبقا مع اخويا في كل مشاكل حتى لو هو اللي غلطان بترجع تغلطني انا مع ان هو مش بيعمل حاجه في بيت غير انو يعد على كمبيوتر وانا اللي بجيب كل حاجه بتاعت البيت وبنزل اجيب حاجات السوق مكان امي واي حاجه هي بتطلبها انا بجيبو وحصل مشاكل كتير انا واخويا ولحظت ان كل موضوع امي بتغلطني انا لدرجه اني بقيت اكره اعد في بيت والنهارده ابويا رن على امي عشان انا واخويا نجيب حاجات وامي قلتلي ولما روحت قولت لي اخويا عشان ينزل معايا فضل يتزهق ولما نزلنا ابويا اتأخر شويه فضل يقول ده كان احسن اني اتكلمت مع صحابي وانت ضعيف ومش هتقدر تشيل حاجات وانت معندكش صحاب (مع ان هو اصلا ميعرفش حاجه عن حياتي) وفضل يستفزني في كلام وانا سكت ولما انا جيت اشيل الحاجه انا شلت معظم حاجات وهو شال كيستين خفيفين ولما طلعنا في اسانسير فضل يستفزني في كلام رحت انا رديت وقولت هم لما كانو بيتكلموا عليك كان عندهم حق (مع ان محدش قال حاجه عليه لكن انا قولت كده عشان استفزو ويسكت) راح فضل مبرقلي راح هو طلع من اسانسير ومخدش اي كيسه وانا اللي شلت الكياس كلها لوحدي ولما ماما جت تقول ايه اللي حصل حكتلها اللي حصل راحت قالت اني شطان وتربيه وسخه وقالت لي اخويا ان انا بوقع مبين امي واخويا (مع ان اني مقولتش حاجه على امي او ابويا) وفضلت تشتم فيا وضربني انتو ايه رأيكم بي الحصل عشان انا تعبت ...عرض المزيد

1 الدعم

1 نصيحة