والدي ظلمني وفضل اخواتي عليا رغم إني كبيرهم

Question

انا كبير اخواتي و والدي ظلمني كتير مفيش حاجة كنت حاببها و عملهالي مع انه مقتدر ماديا بس صعب و متسرع في اتخاذ القرارات يعني اقوله عايز افتح مشروع كذا يقولي لا عايز اقدم في الكلية الحربية و محتاج منك مساعده يقولي لا طب انا عايز اسافر و محتاج منك مساعدة و هردهالك يقولي لا و علي طول كان متجاهلني اجي اروح واجب عزا مثلا يقولي متروحش هروح انا اجي اروح ازور حد من قرايبنا يقولي متروحش انا كدا كدا بروح اهوه علي عكس اخواتي اخويا الوسطاني طلب يسافر دفعله حق السفر كله و اخويا الصغير قدمله في معهد الشرطة و دفعله فلوس و حاليا بعد ماكبرت و وقفت علي رجلي بنفسي جاي يعاتبني انت مش بتيجي تقعد معانا ليه انت مش بتروح تزور فلان ليه انت ليه واخد جمب ليه و انا غصب عني هوه اللي قسي قلبي و عودني علي كدا من صغري 🙇

Tofu_19483 🇪🇬 · Answer

وصاحبهما في الدنيا معروفا، بص مهما كنت حاسس بالوجع والقهر هو والدك حتى لو هو غلط ف حقك وقصر معاك متنساش صلة الرحم واجب عليك وهتبقى أنت عملت اللي عليك متقطعش صلة رحمك وهو لو قصر ف حقك ف ربنا هيحاسبه على تقصيره،لكن متقطعش صلة الرحم ما بينكوا زوره وعامله كويس حتى لو من جواك متضايق بس خليك كويس للنهايه ف الأول وف الآخر هو والدك وتقصيره معاك ربنا هيحاسبه عليه لأن كلكم راع وكلكم مسؤول عن رعيته

Tofu_19483 🇪🇬 · Answer

أنا عارفه إن الأهل ليهم غلطات ف التربيه بتخلي قلوبنا ساعات كتير تقسى لكن لازم مننساش إن رضا الله من رضا الوالدين ونعاملهم بالحسنى واللي أهله قصروا معاه ف حاجه ربنا هيحاسبهم ع اللي قصروا فيه لأن زي ما ليهم حقوق ف عليهم واجبات ومن أهمها العدل بين الأبناء بس متشيلش ف قلبك واتعامل بالحسنى والله أعلم بالنوايا يمكن والدك فعلا مكانش يقصد إنه يفرق ما بينكوا أو يمكن غلطه منك لكن خليك كويس معاه

Tofu_19483 🇪🇬 · Answer

ربنا هيجازيك كل خير وهيعوضك ،ادعي أنت بس وربنا يكرمك ويرزقك من حيث لا تدري ولا تحتسب

Kiwi_52902 🇪🇬 · Answer

انا بروحله كل يوم او كل يومين بس بصراحة ببقي مش مرتاح كل مابيكلمني بيبقي عايز مني حاجة مفيش مرة واحدة اتصل عليا قالي انت عامل اي اطلاقا

Kiwi_52902 🇪🇬 · Answer

و الله بعامله بالحسني و مش بستحمل عليهم حاجة اطلاقا و برضو عشان كما تدين تدان و ربنا بيعوضني في حاجات تانية الحمد لله

Apple_53246 🇪🇬 · Answer

بص يا صديقي مش اقولك ده أبوك ومهما عمل ده أبوك و هو حر و الكلام ده بس اللي اعرفه كويس انت بتعامل أبوك علشان ربنا مش اكتر أنا واحد ٢٣ سنه من كتر اللي حصل معايا منه ومازال بيحصل لحد يومنا هذا مش قليل يمكن انت مشكلتك فلوس مسوليه حب حنان نفسك تحس ان مافيش فرق بينك و بين اخواتك 
بس والله يا صديقي أنا بعد كل اللي حصل منه لحد دلوقتي بتعامل معاه علشان ربنا فقط لأغير ولا علشان كلام الناس علشان ربنا بس

Coffee_53130 🇪🇬 · Answer

قلل الضرر الواقع ع روحك