انا ي جماعه حاسه اني هموت من كتر الحزن والله انا كنت من سنه كدا بنت شغوفه اووووي ودايما مبسوطه وبنشر السعاده لكل الناس دلوقتي بقيت عباره عن جثه مبتحركش من مكاني عايشه لوحدي بقيت مدخنه بقيت وحيده ومحدش حواليا بجد انا حاسه اني قلبي بيتفتفت كل ما بفتكر انا كنت فين وبقيت فين كل ما اجي احاول اخد خطوه اغير نفسي بيها الاقي نفسي مبتحركش اقسم بالله تعبانه اوي من جوايا خسرت كل حاجه بحبها تقريبا فحياتي كلها خسرت امي اعز حد ف حياتي خسرت اكتر حد حبيته بعد حب 3 سنين خسرت ابويا اللي كان اخر املي ف الدنيا مع انه الله يرحمه كان بيعمل فيا عمايل وبيضربني ضرب والله مايستحمله حمار انا شوفت حاجات كتير وحشه اوي ف حياتي واتكسرت كتير اوي حاسه ان كل حاجه ضاعت انا مفيش مني امل تاني كل شويه اعمل فلاش باك لاتعس ايام حياتي ومن الصدمه مش بقدر اعيط بقيت عباره عن جثه اقسم بالله محدش بيسأل فيا من العيلتين عيله ابويا وعيله امي ولا حتى اللي كانو صحابي انا لو موتت ف الشقه هنا لوحدي محدش هيعرف عني حاجه صحتي بتبوظ يوم والتاني جسمي بيهمد اكتر مش قادره اوقف منومات ولا قادره افتح عيني او اخرج من الشقه مبقيتش باكل مش لاقيه اكل اصلا مش لاقيه شغل مكملتش تعليمي اساسا كل فلوسي بتروح ع السجاير والمنومات انا حاسه اني هتجنن انا بكتبلكم الكلام دا وانا حاسه قلبي بيولع والله من كتر الحزن ياريت اللي هيرد يحسب كلامه قبل ما يطلعه ومحدش يجرح بالكلام لاني مش ناقصه اروح فين

3

20