حياتي كلها بايظة بعد نتيجة الثانوية ومش عارفة أتخطى

Question

جماعه بتتخطوا ازاى بجد 
نتيجه الثانويه م كانت احسن حاجه بالنسبالى وم عارفه اتاقلم مع اخر كليه كانت ف حسبتي 
علاقتي مع ربنا مبقتش احسن حاجه برضو انا م بصلى من يوم النتيجه تقريبا لاني ببساطه موصلتش للكليه إلى فضلت سنه كامله بصلى وبدعي بيها مفيش حاجه كويس ف حياتي عامتا كل حاجه بايظه وكل حاجه غلط ادعولى اتوب بجد

Strawberry_32562 🇪🇬 · Accepted Answer

ده اختيار ربنا لكِ وهو أفضل بكتير من اختيارك أكيد الكليه اللي كنتي عايزة تدخليها مُش خير لكِ واللي ربنا اختارهولك ده الخير
واللي أنتِ بتعمليه ده أكبر غلط أنتِ حتي لو إيه اللي حصل لا يجوز إنك تتركي الصلاة لأي سبب من الأسباب ده غير أنه حرام وتارك الصلاة كافر وكمان هتحسي إنك مخنوقه ومُش مرتاحه وكل ده من الشيطان هيقولك متصليش أنتِ دعيتي وفي الآخر لم تنالي ما تريدي

الله يردك إليه يا رب ويهديكِ ويهدينا جميعاً

Strawberry_32422 🇪🇬 · Answer

انا مريت بنفس تجرتبك بالظبط و انا حاليا ف رابعة جامعة و هتخرج ان شاء الله عدى اربع سنين و عرفت ان ربنا اختارلى الاحسن ليا و اللى هقدر عليه و لو كنت اخدت الكلية اللى كان نفسى فيها مكنتش هقدر عليها حرفيا..مفيش حاجه باظت و لما سنين تعدى هتعرفى حكمة ربنا ليكى و هتحمديه جدا

Strawberry_31094 🇪🇬 · Answer

قرب لربنا هتلاقي كل حاجه بتعدي عليك سهله جدا

Potato_32557 🇪🇬 · Answer

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ..
دى الاجابة للاسئلة اللى بتدور ف راسك ان ليه انتى عارفة لو ماشية باختيارتنا مش بتدبير ربنا والله ما حد فينا كان انبسط دايما ربنا شايف الاحسن لينا بس الانسان عجول وعاوز نتيجة سعيه فورا وف نفس
مع ان ممكن نتيجة سعيك تبقى ف حتة تانية اصلا احسن بكتيييير اوى من خيالك حتى يجبها