خايفة ربنا يبعتلي ناس زيّ اللي توبت منهم

Avocado_39639 🇪🇬's منشور

Avocado_39639 🇪🇬

منذ 3 أيام

.

شعور مكسور القلب

كنت مرتبطه بحد زمان وعملت معاه علاقه سطحيه وسيبته والحمدلله توبت توبه نصوحه لا راجعه فيها وبعد ٣ سنين اتعرفت علي حد تاني واتعلقت بيه جدا وطلب مني يكون في تجاوزات بنا في الكلام والحمدلله رفضت رفض صريح وسابني بسبب كده انا بس بقيت خايفه ان ربنا يفضل يبعتلي الناس اللي زي كده علشان هو شايف انهم شبهي والله انا توبت بس مش عارفه اعمل ايه قلبي وجعني علي فراق الشخص الاخير وانه سابني لمجرد اني مش عايزه اعمل حاجه غلط واغضب ربنا تاني وزعلانه ان ربنا وقع في طريقي حد هو عارف انه عايز كده من البدايه متلغبطه ومش عارفه اعمل ايه

4

13

Strawberry_52454 🇪🇬

أفضل نصيحة

.

منذ 3 أيام

ربنا لطيف بعباده مش بيعمل عباده بالطريقة دي اللي هو انا أخطأت في حاجة ف ربنا ممكن يفضل يعاقبني طول عمري بيها لا ابدا و طالما انتي توبتي يبقي إن شاء الله ربنا قبل توبتك و كانك معملتيش الذنب ده ممكن يكون الشخص اللي بعد عنك ده كان اختبار من ربنا يختبر بيه صبرك و انك فعلا مش هتكرري ده ولا لاء فكري فيها كدا و متقلقيش ربنا هيعوضك خير

12

1

Cookies_54909 🇸🇦

.

منذ 3 أيام

لا تخاف من الابتعاد عن اللي يجرحك أو يتعدى حدود احترامك. كن صادق مع نفسك، وثق أن ربنا معاك. قوة قلبك هي مفتاح السلام، وخليك دايمًا تختار اللي يحترمك ويقدرك

11

0

Apple_54758 🇪🇬

.

منذ 3 أيام

ده كان اختبار من ربنا و تأكدي انه مكنش شبهك بالعكس انتي بقيتي شخص احسن منه حتى لو غلطي قبل كدة.. فعشان كده ربنا كان بيختبرك و نجحتي في الاختبار فربنا بعدك عنه و شايلك الأحسن

10

0

Coffee_46314 🇪🇬

.

منذ 3 أيام

طالما توبتي ربنا غفور رحيم ولازم نحسن الظن بالله وانتي كويسة مش وحشة طالما كل مرة بتختاري الصح ربنا خلقنا خطائين ولو مكناش بخطئ لاتى بقوم غيرنا بيخطؤا ودايما ادعي ان ربنا يعاملك بما هو سبحانه وتعالى اهله وقولي اللهم لاتؤاخدنا ان نسينا او اخطأنا ولا إله إلا انت سبحانك اني كنت من الظالمين ومتزعليش الشخص ده لانه مش كويس ومش مناسب ليكي وربنا يهديه ويغفرلك ويسعدك ويرزقك بالشخص المناسب الي يسعدك 7

11

0

French Fries_26228 🇪🇬

.

منذ 3 أيام

لا انتي كده صح وكونه مشي ده يدل على انه شخص مش كويس وتحمدي ربنا انه طلع من حياتك واعتبريه مجرد اختبار من ربنا وخلي عندك ثقه تحسن ظن بالله انه أكيد هيبعتلك حد كويس لان التوبه تمحي ما قبلها يعني ولا كأن حصل حاجة اتطمني 🫶🏻

10

0

Banana_43724 🇪🇬

.

منذ 3 أيام

من ترك شيئاً لله عوضه الله خيرا منه دا انتي مفروض تفرحي انك قدرتي تتغلبي علي شيطانك وشهوتك ونفسك و راضيتي ربنا ودا كلو اختبار من ربنا علشان يشوفك توبتي بجد ولا كلام اصبري وربنا هيعوضك خير

11

0

التجربة أفضل عبر التطبيق

حمّل تطبيق توهيل على هاتفك لتجربة أسرع