انا اتعرفت علي واحدة بنت و في شهر خمسة قولتلها اني عايز اتقدملها و هي وافقت ، و اتقدمتلها و قرينا الفاتحة و مامتها طلبت مني اني اخد رقمها و نتكلم فون و واتساب علشان نعرف بعض اكتر و كدا ، و بعد كدا فضلت مامتها تأجل الخطوبة كذا مرة ، و انا و البنت كنا كويسين اوي مع بعض و متفاهمين جدا ، بس لاحظت ان لما بتكلم معاها ساعات بلاقيها اتغيرت مرة واحدة و بترجع كويسة تاني ، و اكتشفت ان الفترة دي مامتها بتبقي جانبها ، و لما بتبقي جانبها بلاقيها بتسألني علي حاجات مادية و كدا ، حاولت اتجاهل الموقف دا علي رغم انه اتكرر كذا مرة ، و كنت لما اسألها في حاجة هنجبها و اخيرها بين حاجتين كان بتقولي هرد عليك بالليل او ارد عليك بعد شوية او لما اسأل ماما ، المهم كان المفروض اننا نتخطب اول شهر ٩ الفات و نكتب الكتاب في نص ١٠ ، بس لما كنا بنختار الحاجة بتاعت البيت كانت بتخالفني في كل حاجة بنخترها و كنت بعدي المواضيع لاني بصراحة كنت مستريحلها و معجب بيها ، لحد ما قالتلي انها عايزة جيبسون بورد قولتلها ملهوش لازمة و كدا و هيلم تراب و كدا قالتلي يا تجبلي جيبسون بورد يا نلغي الموضوع خالص ، قولتلها لا نلغي خالص ، و محدش من اهلها كلمنا و انا مكلمتهاش و لا هي اتكلمت تاني . ناس كتير قالتلي انا الغلطان و المفروض اجبلها العايزاه ، و ناس تاني قالتلي اني صح . انا عن نفسي حبتها ، بس انا قدمتلها تنازلات كتير و جبتلها كل العايزاه و هي متنازلتش عن حاجة واحدة بس و كمان باعتني علشان شوية جبس ، و حسيت اني لو اتجوزتها ممكن تقولي مثلا يا تسفرني او يا تجبلي مثلا اي حاجة يا تطلقني مثلا . انا كدا صح ولا غلط ، و لو كنت غلط اعمل ايه ؟

1

13