تعبت من كتر منا بحاول أبين اني قوي وانا مش قوي

Question

انا تعبت من كتر منا بحاول أبين اني قوى وانا  مش قوي انا بحاول أبين ده
انا بيصعب عليا نفسي لما ابقى مخنوق او مضايق و ابقى مش قادر اتكلم مع حد ف اللي مضايقني لمجرد اني مش عايز اتشاف ضعيف 
كنت عايز اعيش حياه طبيعيه  انا تعبت و دماغي مش بتسكت و مبقتش عارف انا صح ولا غلط
بقيت علطول دماغي شغاله و بفكر ف كل حاجه و كل موقف بيحصل يقعد احلله انا لسه بنفس الصوره ولا هز صورتي اللي ببينها الموضوع خلاني اجيب اخري وبقيت غصب عني عصبي لاتفه الأسباب

Watermelon_60251 🇪🇬 · Answer

بحس أحيانا ان الغلطة مش بس ان احنا بعيدين عن الدين و مفهوم السكينة ، ان احنا مش مدركين برضو معنى كلمة راجل ، بمعنى آخر ، ما النبي صلى الله عليه و سلم كان يبكي و يتألم و يخاف ، خوف سيدنا موسى اللي هو كليم الله اتخلد فى القرآن عبارة الخوف بتاعته و انه محتاج أخوه ، فليه احنا حطينا على الراجل عبء و مسؤولية أنك تشيل وانت ساكت مينفعش الراجل يبكي و لا يتألم ولا يخاف ؟ ما هو طبيعي بعد كدا لما انت تلغي له

Watermelon_60251 🇪🇬 · Answer

كل مشاعره بالمنظر دا ، مش هيبقى قدامه غير طريقة واحدة للتعبير اللي هي العصبية ، و بعدها ترجع تلمه ، الستات واخدة حقها تالت و متلت فى مبدأ التعبير عن المشاعر بالرغم من الجنسين فى المشاعر سواء ، واللى خلى النبي يجري لزوجته يقولها زملوني زملوني و يرتعد خوفا فى كنف السيدة خديجة ، كان لأن السيدة خديجة وفرت له السكن المساحة المطمئنة الهادية اللي تخليه قلبه يستقر

Watermelon_60251 🇪🇬 · Answer

و كمان أحسنت تهدئته و تثبيته ، فبالرغم ان في الوقت دا النبي كان لديه قوم ينصروه قبيلة كاملة إلا أنه راح للسيدة خديجة كأنه بيقولها أنت قبيلتي ، السيدة خديجة من النساء اللي كمل دينهن اللي احنا كنساء بنغفل عن دورها و أنها كانت الداعم الأول و المثبت لنبي هذه الأمة فقدر يتحمل ، لكن احنا للأسف بنربي أولادنا و أزواجنا على عدم إظهار الضعف و المجتمع بيتعامل مع الرجل بطريقة قاسية فى النقطة دي ، فمش غريب كدا

Watermelon_60251 🇪🇬 · Answer

تلاقيه بيدور على أي وسيلة هروب من الواقع و الضغط و المسؤوليه اللي فى رقبته سواء بلاي ستيشن او قهوة أو غيره ، محتاجين نرجع للدين و ندرك المفهوم الصحيح للأسرة عشان لا نظلم المرأة و لا نظلم برضو الرجل المكابد فى صمت .

Blueberry_55451 🇪🇬 · Answer

حاول تلاقي نفسك مع صديق صالح يحتويك ويتقبلك زي ما انت وينصحك لما تغلط حبا فيك مش انتقادا لك
انا حاسة ان علاقتنا باهلنا لما بتكون سوية بتلطف من مشاعرنا الصعبة