تعبت من عتاب نفسي وافكار مزعجة بقالي فترة

Question

انا تعبت من عتاب نفسي بعاتب نفسي بدرجه غبيه اوي بقيت اضرب دماغي في الحيطه علشان اوقف الفكار ديه عملالي مشاكل في حياتي بكون قاعد وسط ناس وتجيلي الافكار ديه وبرد فعل لا ارادي بقول بصوت عالي (بس) مش عارف اعمل ايه وبقيت عندي احساس دأم اني اذي نفسي وحاسس اني شخص فاشل ومعنديش صحاب و اخوات بقيت بكبت في نفسي بطريقه غبيه

Coffee_52334 🇪🇬 · Accepted Answer

ممكن تلجأ لمختص نفسي يساعدك التعب النفسي مش عيب وطلب المساعدة شئ طبيعي جدًا

Carrot_57430 🇪🇬 · Answer

انت محتاج تروح ل دكتور نفسي تطمن ان مافيش مشكله كبيره 
هتفضل كدا فترا و بعد كدا هتكتشف ان مهما فكرت و مهما تعبت اللي بيحصل هيحصل و تفكيرك مش هو اللي هيحل كل المشاكل اهدي و رتب افكارك و خلي عندك اقتناع ان اللي ربنا رايدو هيكون اكيد 
حاول ماتاديش نفسك عشان نفسك 
وربنا يقويك علي اللي انت فيه

Lemon_59181 🇪🇬 · Answer

يا تروح لمختص نفسى هينصحك بتمارين استرخاء وقراية كتب وموسيقى هادية واعمال يدوية وغيره .. يا اما تقتحم عقلك وده اصعب بس مفيد اكتر .. اقنع نفسك بكل شىء مش عايز تقتنع به .. لو الفشل بيأذيك اقنع نفسك ان قدراتك ليها حدود .. لو بتقارن نفسك بغيرك اقنع نفسك ان الحياة مش عادلة .. لو مش لاقى هدف للحياة اختلق لعقلك اى هدف

Mango_56244 🇪🇬 · Answer

دى شي اسمه النفس اللوامه بس لا تقسو على نفسك مهما عملت او قلت او زعلت حد او تقول فى نفسك انا المفروض عملت كدا ومكنتش عملت كده. لا كبر دماغك وعيش حيات ومتفكرش فى الاخرين فكر فى نفسك و الموقف اللى عدى. خلاص عدى و راح

Mango_56244 🇪🇬 · Answer

اوعي تروح لدكتور نفسي والله العظيم  هتدمر نفسك و تعيش بالمهدات و البرشام لا ولا حتى تروح لدكتور اخصائي نفسي لا