انا من فتره شوفت ولد ف عيد ميلاد اختي كان اخو واحده صحبتها بصراحه عجبني ونظراته ليا كانت اعجاب برضه بعد مشوفته بفتره لقيته عاملي فولو كان بيقعد ينزل حرفي كتير واغاني حب وبتاع المهم جي فيوم كنا خارجين كلنا لان أخته صاحبت اختي وأمه صاحبت امي فا قولت اتشجع وابعتله وفعلا بعتله وقولتله هتيجي الخروجه؟ ورد عليا وبعديها فتحنا كلام وبتاع وهو كمان كان معايا فالمدرسه فا كان بيشوفني كتير لحد بقا ما اعترفلي بحبه وانا بصراحه اتكسفت ومردتش عليه بس بعديها بفتره قليله قالي بحبك تاني وساعتها قولتله وانا كمان وارتبطنا وكان كل يوم فالمدرسة يجبلي شوكولاته وحلويات لدرجه ان أصحابي بداوه يلاحظوا ويقولولي هو انتوا بتحبوا بعض وانكرت الموضوع ده عشان سمعتي المهم جي فيوم قالي انا قولت أصحابي اننا سيبنا بعض عشان محدش يقول عليكي كلمه وحشه بس طبعا الموضوع مخلصش لحد كدا طبعا كل البنات بقوا يتكلموا عني ويقولولي عفكره بيحبك وبتاع وينكر المهم ده مش موضوعنا طبعا أنا كنت بثق فيه اوي بس من فتره تلفونه باظ وقالي هكلمك من عند امي وبقينا نتكلم بس كانت اول مره نتخانق فيها وانا الي بدأت الخناقه بس اتصالحت بسرعه وطبعا بقيت بتخانق معاه دائما واتصالح بسرعه فا هو عرف ان مهما عمل هرجعله عادي وده كان غلط مني انا عارفه المهم قبل ما امتحانات اخر السنه تيجي كان دخل مع شله قليله الادب وبتوع بنات وبيشتموا وبيسقطوا البنطلون واخر قله ادب وهو بقا من ضمنهم واتغير اوي معايا ومبقاش زي الاول معايا وكلمته كذا مره ف الحوار ده وعاتبته كتير وجينا ففتره اتخانقنا جامد اوي وقعدنا كتير مش بنكلم بعض بس كنا فالدراسه فا هو حكي لشلته الصايعه اننا اتخانقنا وبتاع، ملحوظه: الفصل بتاعه في المبني ال قدام المبني بتاعي يعني لو بص من الشباك يقدر يشوفني المهم كنت قاعده عادي فا ببص علي الشباك بتاع فصله الاقي صاحبه بيبصلي بقرف وهو جنبه وصاحبه تف عليا وهو قعد يضحك المهم رجعت البيت وسكتت بس قعدت فتره مكلموش وهو دلوقت متغير اوي معايا واحنا متخانقين حاليا وانا تعبت اوي منه وزهقت عايزه ارجعه زي الاول ومش عايزه اخسره لاني عارفه اني مش هعرف ابعد عنه انا اتعلقت بيه اوي وبعتبره ابويا وهو عمل الي ابويا معملوش ومش عارفه اعمل ايه كل ما افكر اني ابعد اقعد انهار واقول ايه ال وصلنا لكده انا تعبت بجد وزهقت اوي بجد

2

7