تعبت من الكدب والخيانة ومش عارفة ابعد

Question

انا تعبت وزهقت من كتر كدب شخص وخيانته وبعدت وخدت جمب وشوفت حياتي رجع تاني يدخلني في نفس الدايرة انه ندمان ومش عارف يبعد وبيحبني.واول ما ابتديت احس اني حسيت بالحب رجع اتغير تاني وقرفت طول الوقت من الشك مبقتش مرتاحه نهائي ولا في تفاهم اعمل اي واتصرف ازاي مبقتش عارفه ابعد تاني وكنت ما صدقت خرجت من الدايرة دي

Pistachio_56152 🇪🇬 · Accepted Answer

مش هتصعبي عليا علشان انتي الي عمله كده في نفسك وعرفه انه توكسيك ومكمله

Strawberry_60676 🇪🇬 · Answer

صح فعلا بس انا بجد تعبت

Strawberry_60676 🇪🇬 · Answer

ومش عارفه ابعد تاني ازاي

Hazelnut_52786 🇪🇬 · Answer

1.	اللي بيرجع يكسر تاني مش ندمان، ده متعود يلاقيك موجودة كل مرة.
	2.	الحب مش وجع وشك كل يوم، الحب راحة وأمان، وإنتي مش لاقياه معاه.
	3.	ارجعي تاني تبعدي، المرة دي مش عشان تكسري، لأ… عشان تنقذي نفسك وتعيشي زي ما تستحقي

Pistachio_56152 🇪🇬 · Answer

بلوكات في كل حته واجمدي

Hazelnut_52786 🇪🇬 · Answer

بصي، الشخص اللي يكررك في نفس الوجع مش محتاج فرصة تانية، محتاج باب يتقفل.
كل مرة بتدي له فرصة، إنتي بتسحبي من رصيدك النفسي اللي خلاص بقى على وشك يخلص.
ابعدي وإنسي قلبك شوية وامشي بعقلك… الكرامة مش ضد الحب، دي أساسه

Sugar_56642 🇪🇬 · Answer

يا بنتي فوقي لنفسك بقى دة استغلالي محدش يستاهل تتمسكي بيه وهو بيأذي

Hazelnut_52786 🇪🇬 · Answer

1.	اقطعي كل وسيلة توصلك بيه (بلوك، حذف، مسح ذكريات)، عشان متدخليش الدايرة دي تاني مهما عمل.
	2.	اكتبي كل وجعك وكل اللي حصلك معاه، واقريه كل مرة قلبك يحن، هتتفكري ليه مش لازم ترجعي.
.

وجملة أخيرة: هو بيستهلكك، وإنتي محتاجة تنقذي الباقي من روحك

Hazelnut_53844 🇪🇬 · Answer

محتاجة تكوني اشجع من كدة وتقفلي الباب دا نهائيا

Strawberry_60676 🇪🇬 · Answer

هو المره دي مكدبش ولا حاجه بس انا فقدت الثقه وهو بيحاول يثبتلي بكل الطرق انه مش بيكدب بس انا مش عارفه اصدقه

Strawberry_60676 🇪🇬 · Answer

كلامك صح جدا بس بدات اشك اني انا اللي غلط

Hazelnut_52786 🇪🇬 · Answer

العلاقه بين اثنين اهم حاجه فيها الثقه والصراحه 
وان هدم شخص الثقه والصراحه 
يبقي الانفصال افضل

Strawberry_60676 🇪🇬 · Answer

لما رجعلي فضل يقنعني انه فعلا عرف غلطه واتغير وبدات الاحظ فعلا 
اول ما اديته اهتمام رجع اهتمامه قل تاني

Strawberry_60676 🇪🇬 · Answer

نفسي اعمل كده بس مش عارفه مين الي صح ومين اللي غلط انا بدأت اشك في كل حاجه حواليا

Strawberry_60676 🇪🇬 · Answer

حاضر هعمل كدا

Hazelnut_52786 🇪🇬 · Answer

عادي حتي لو انت غلط وفوقتي من الغلط وعرفتي غلطك 
نصحح الغلط باذن الله 
ولا نلتفت الي اخطاء الماضي

Hazelnut_53844 🇪🇬 · Answer

محتاج شجاعه منك وتقربي من ربنا لو خير ربنا هيبعتهولك ب احسن صوره لو شر هتلاقي ربنا بينزعه من قلبك وعقلك اتعلقي بحبال ربنا هينورلك الطريق 
انا حاسه بيكي احنا ك بنات لما بنحب مش بنشوف حاجة تانيه لكن حاولي علشان نفسك 
مفيش واحدة تستاهل كدة

Sugar_56642 🇪🇬 · Answer

مترجعيش برضو  متصدقيش حتى لو بكى قدامك هو مش نبي !!! أنا معرفش دة خطيبك ولا ايه بس عامة متدخليش في أي علاقات تاني خارج الإطارات الشرعية زي الخطوبة والجواز هيبقى ليك أهل مش هيقدر يكلمك كلمة