تعبت من الخوف والقلق وعايش نفس اليوم

Question

اتربيت ع الخوف ع القلق ع حساب الف مرة للحاجة اللى عملها وصلت لمرحلة معرفش اسافر لوحدى ولا اقدر اروح حتة بعيد عن البيت شوية واقدر اقعد وارتاح فيها 
حاسس ما عشت وصلت ل 25 سنة وانا يومى هو هو نفس اليوم بل للاسف بقى فى عادات غير سوية بقيت بتدخل حياتى او انا اللى بروحلها بكامل عقلى المشوش ......
# تعبت

Strawberry_62795 🇪🇬 · Accepted Answer

حاول تدخل حاجه جديده في حياتك حتي لو بودكاست او حلقه من مسلسل تقراء كتاب تدرب اي حاجه او تروح الجيم تنزل تمشي لوحدك من غير قلق بس لازم تحط في نفسك انك مش قلقان او خايف عشان تقدر وهتقدر بجد

Mango_78750 🇪🇬 · Answer

بتوتر لما بروح الجيم نفسى اروح لان جسمى بيزيد بس عندى رهاب من الجيم وبصات الناس فيه

Ice Cream_61082 🇪🇬 · Answer

لو دخلت الجيش أو اتغربت علشان شغل هتعمل اى 
دى مشكلة لما الواحد يتقفل عليه لغاية لما ينضنج

Watermelon_79295 🇪🇬 · Answer

ونظرات الناس حواليك 
ده ان كان حد بينظر اساسا كله مشغول بنفسه 
بس لو كان حد بينظر عليك ماذا تفعل النظرة لك؟
لاشئ ليس لها اي تأثير عليك  
كمل في كل حاجة حلوة بتعملها يا صديقي و ركز على ذاتك اللي تستحق اكتر منك 
ربنا يقويك و يرزقك السكينة

Banana_67850 🇪🇬 · Answer

يا عم 25 سنة أنت لسه صغير لسه في بداية حياتك

Strawberry_62795 🇪🇬 · Answer

اعمل نفسك مش شايفهم وحط سماعاتك في ودنك وكده كده محدش له عندك حاجه

Pineapple_78975 🇪🇬 · Answer

لازم تروح لحد يساعدك ارشح انك تروح لدكتور نفسي دا هيساعدك كتير تعرف تغير كل ده

Lemon_79698 🇩🇿 · Answer

لازم ترمي نفسك على مخاوفك هذا الحل الوحيد حتى تتخلصي منها