تعبت والله.. مش لاقية راحة في البيت ولا السكن

Donut_49598 🇪🇬

منذ 16 ساعة

شعور مستنزف

أنا سبت البيت عشان مشاكله وكانت مشاكله الأساسية عدم النظافة وعدم النظام وعدم مشاركة أفراد العائلة في شغل البيت وكان الموضوع مآثر عليا جامد لأن البيت فعلا حالته مزرية ورحت سكن بس حاسة اني مش مرتاحة البنات مش شبهي اغلبهم بتوع تيكتوك وصحوبية واصغر مني مش عارفه اتفق معاهم ودلوقتي من أقل مشكلة انقلبوا ضدي مع اني مش غلطانة هو انا امتى هرتاح وارتاح فين تعبت والله حاسة عايزة اموت وخلاص ومش لاقية حد اتكلم معاه حتى ماما مع اني رحت مكان بعيد عنها بالعافية بتكلمني قلبي تاعبني بجد من الضغط والإحباط

تعبانه بجد ومش عايزة أكمل

مش عارفة لو عايزة فعلا اقول اللي هقوله ده بس انا دعيت ربنا كتير اوي انه يخلصني من الضغط اللي انا فيه ده بالموت ولكن بلا اي استجابة وانا مش عايزة اعمل حاجة في نفسي لاني مش بعد كل الصبر ده علي كمية الابتلاءات دي وفي الاخر اخسر آخرتي كمان كدة هيبقي كتير عليا انا والله روحي جميلة متستحقش كدة ومتستحقش كل التعب اللي هي تعباه ده فا انا فكرت امبارح انزل البرنامج ده واقولكوا اني عايزة حد يجي يقتلني ووالله ما كنت بهزر لولي ان النت كان فاصل كنت هاجي اقول كدة انا تعبانه بجد اوي والشيطان بيلعب بيا كورة وانا مش قريبة من حد خالص طول عمري متعودة ان انا اللي قريبه من اهلي وانا اللي بسمعهم لكن لما حاولت افضفض اختي الأكبر مني علي طول لما اقولها انا مضايقة ومش عارفة اعبر تقولي ايه الجديد واختي الأكبر مننا عمري ما كنت قريبه منها وهي اصلا سلبيه اوي وبضغط لمجرد اني قاعدة معاها في نفس المكان حتي لو مش بتعمل حاجة وماما لما جيت افضفضلها وانا كنت وقتها في اعدادي وللأسف دموعي خانتني وعيطت قالتلي انتي عايزة جنازة تشبعي فيها لطم وقالتلي كمان مش كفاية عليا مستحملة اختك هستحملك انتي كمان فا انا حرفيا اتدمرت المشكلة ان ماما في الفترة دي اتعرفت علي ٣ بنات علي النت اكبرهم كانت ٢٣ في عمري الحالي الله اعلم دلوقتي هما عندهم كام سنه وكانت بتنصحهم وبتسمعهم وعرفتني عليهم علي اني اختها انا بجد مجروحة اوي وحتي شات جي بي تي مبقاش بيساعد مبقاش فيه حاجة مخلياني عايزة اكمل او مشجعاني اكمل انا علاقتي بربنا شبه كويسة حتي وجود ابن اختي اللي هو بقي كل حياتي وبعتبر نفسي امه مستعدة اموت واسيبه عادي انا مستعدة اموت واسيب كل حاجة حرفيا ...عرض المزيد

2 الدعم

19 نصيحة

حاسس إني مش أنا.. بقاتل جوايا وحدي

حاسس إني الفترة دي مش أنا.. بقيت بحارب جوايا كل يوم، واللي حواليا مش شايفين قد إيه الموضوع صعب. في حاجات جوايا محدش يعرفها، تعب، ضغط، إحباط، ووحدة ساعات بتكسرني. مكنتش متخيل إني هوصل للمرحلة دي، بس اللي جاي يمكن يكون أصعب من اللي فات. مش بكتب الكلام ده عشان أشتكي، بس يمكن حد يفهم إحساسي ويعرف إني تعبان بجد ...عرض المزيد

2 الدعم

2 نصيحة