من فترة مش كبيرة اتعرضت لموقف تحرش ف المكروباص وانا رايح الدرس بتاعي كنت راكب مكروباص و جيه واحد كبير قاعد جمبي هو راجل عجوز وشكلو مدرس محترم و تحس عندو ٧٠ سنه تقريبا هو لما قعد حط ايدو علي رجلي وانا طنشت قولت عادي ممكن عشان هو مليان مش عارف ياخد راحتو و كدا كدا انا ولد مش بنت يعني عشان اخاف من انو يعمل حاجه او اتكسف انا كنت بكلم واحد صحبي ع الواتس ساعتها و الشنطه بتاعه ضهري علي رجلي الراجل بدا يمسك ف رجلي قولت عادي كدا كدا العربية مخلعه و الكنبه بتتحرك و عادي هو زي جدي يمكن ساند عليا وبفتح فويس اكلم صحبي لقيت ايد الراجل بيفكلي رباط البنطلون وبيدخل صوابعو ف البنطلون بتاعي اتكهربت وقتها و حسيت ب سخونيه جامده ف راسي و خوفت اوي مش خوفت منو بس لان دي اول مرا حد يلمس جسمي كدا ولقيت نفسي بتخانق معاه معرفتش اتكلم لان كان قدامي ست ومعاها بنتين ف سني ف اتكسفت احكي اي اللي حصل وحرفياً نسيت الشتايم كلها وكل حاجه نسيتها لقيتني بتخانق معاه و بقولو ايديك ف جيبي بتعمل اي و زعقتلو و هو قعد يبرقلي يعني هو متعود بيعمل كدا مع العيال الصغيره و يبرقلهم ف يسكتو انا مهنميش وقعدت اهزقو لحد م نزلنا قولت لازم اضربو لقيتو اتبخر ي جماعة والسواق كان متنح مش مستوعب اللي حصل انا اه اتضايقت ان حد اتحرش بيا بس لو هنتكلم ب امانه انا بالنسبالو طفل وعيل صغير ف كون انو يفكر كدا ف عيل صغير تبقا دي مصيبه تخيل بيعمل اي بقا ف احفادو ؟؟ لو هو مدرس بجد بيعمل اي ف الطلاب معاه ده اللي انا كنت شايل همو وكنت عارف ان موقف الخناق ده مش هيخليه يبطل اللي بيعملو وكان لازم يتضرب عشان يحرم يعمل كدا تاني او اخدو ع القسم واطلع ميتين امو بس ملقتهوش دورت عليه ف الشوارع اختفي ومن ساعتها بروح الدرس ف نفس المعاد واستناه مش لاقيه وشايل هم انو اكيد عمل كدا مع اطفال تانية وانا السبب اني مضربتوش عشان يحرم للعلم انا بعد م منزلت من المكروباص لقيت الفويس ف الواتس كل ده كان شغال والخناقة متسجله.

3

0