امى شخص مش شايلة مسؤلية من اول يوم جواز و بابا صبر معاها و يوم م قرر يطلقها طلعت حامل فى اختى الكبيرة و انا الوسطانية و يوم م استوعبت حجم المسؤلية اللى مشالتهاش و بقت مع مرور السنين ازمة محتاجة سنين لحلها كنت فى اعدادي لما صاحبتي اتنمرت عليا ان لبسي مش نضيف و انا وقتها استوعبت ان فيه حاجة اسمها نضافة اصلا و انى عايشة فى بيت اشبه بالغابة و قلت لماما قالتلي لو مش عاجبك غسيلي اغسليه بنفسك و بشكر نفسي مليون مرة ان قرارى كان انى اغسله بنفسي فعلا برغم انه مش قرار سهل لانه اضطريت فى اعدادي اغسل لبسي على ايدي كل يوم تقريبا و دا لان عدد الهدوم اللى عندي قليل جدا و مضطرة اغسلها كل يوم عشان هرجع البسها بكرة و حبا بس اعرف لو فيه حد مر بنفس الوضع و نجا منه فنجا ازاى لانى مهما احاول احل مشكلة نضافة البيت مش عارفة مثلا مرة نضفت الصالة كلها حتة حتة لحد م ضهرى اتقطم فعليا من ٦ الصبح ل١٠ بليل بدون بريك و اللى حصل انى مكملتش يومين و رجع الوضع اسوأ مما كان عليه و المطبخ جمعت الزبالة فى تلات شوالة من الكبار البيض و قررت ارميهم بنفسي حتى لو شكلي هيبقى وحش بس مش مهم بس للاسف مقدرتش اكمل تنضيف اللى لو كملته كنت هجمع شولة كمان المهم صحيت لقيت ماما فضت كل الشولة و رجعت الوضع لاسوأ مما كان عليه و هكذا و هكذا و عملت نظام مع اخواتي عشان نخرج من الاكتئاب و اعمل دافع يخلينا نقوم نشتغل عشان يبقى فيه حفاظ على النضافة و انه اللى يعمل حاجة ليه مقابل بس للاسف محدش اشترك لان كله ملهي فى حياته و معندوش دافع حقيقي يغير الوضع و غيرها من المشاكل اللى خلف الكواليس اليومية على مدار سنين فارجو لو حد عنده نفس المشكلة و لقى حل يدلني عليه او حد فى نفس الوضع و نجا يديني امل فى بكرة

2

2