انا كنت منفصله وتزوجت كزوجة تانيه وفى مابينا فوارق اجتماعيه وماديه هوه من طبقه اقل ، انا رضيت لانه دخلى من احلامى وكنا بيساعدنى فى مشاويرى ويروح معايا للدكتور ولو فى مصلحه يقضيهالى ولما ازعل يصالحنى ودايما مهتم بيا وبمشاكلى اكتر حاجه كانت بتعجبنى فيه انه كان بيبقى على زعلى ويسيب اللى وراه واللى قدامه عشان يرضينى المهم مكونش زعلانه قعدنا كده حوالى سنتين اكيد كانت فى مشاكل بس كان بيسمعنى وبتتحل ، دلوقتي بعد سنتين لا بقى فيه مشاعر ولا حب ولو زعلت مبيسألش فيا ودايما شايف انه مبيغلطش وانه مظلوم وانى بنكد عليه ومراته الاولانيه بتنكد عليه هيه كمان فبيسبنا نخبط دماغنا فى الحيط، انا بصراحه ناويه اتطلق لانى مبقتش شايفه فايده من الجوازاه ، كنت متجوزاه عشان المعامله الطيبه والمشاعر الطيبه دلوقتي كله راح حاسه انه بالضبط عامل زى المثل اللى بيقول اتمسكن لحد ماتمكن واول ماضمنى ورانى الوش الحقيقى وانا كنت فاكراه العوض لانى اتبهدلت اوى فى جوازتى الاولانيه، محتاجه. نصايحكم وياريت محدش يتجاوز

2

14