زواج ثاني

Pineapple_70713 🇪🇬

منذ أسبوعين

شعور محبط

انا كنت منفصله وتزوجت كزوجة تانيه وفى مابينا فوارق اجتماعيه وماديه هوه من طبقه اقل ، انا رضيت لانه دخلى من احلامى وكنا بيساعدنى فى مشاويرى ويروح معايا للدكتور ولو فى مصلحه يقضيهالى ولما ازعل يصالحنى ودايما مهتم بيا وبمشاكلى اكتر حاجه كانت بتعجبنى فيه انه كان بيبقى على زعلى ويسيب اللى وراه واللى قدام

Apple_70692 🇪🇬 بصي..البنت المصريه بطبعها رومانسيه شويه وبتمشي ورا قلبها لكن توافق الطبقات ده مش كلام قاسي ده واقع تربيه واجتماعي وثقاقه مهما اختلف عليها مشاعر وقلوب بيرجع الطبع يغلب القلب ..انتي بتحاسبي للاسف علي قلب ساق عقل واوعي تندمي ..اتعلمي من الايام والدرس لان الطبع يغلب التطبع …ادي فرصه اخيره وبعدها خلي عقلك يقرر 🤗

عرض الكل 14 نصيحة

Strawberry_68534 🇪🇬

منذ 3 أسابيع

شعور متعب

انا مطلقه من 4سنين وعندي 3اطفال وعندي 40سنه وكنت رافضه فكره الجواز تاني علشان ولادي كبار السنه اللي فاتت اتعرفت ع واحد مطلق وعنده طفل ولقيته نفس ظروفي المهم تم الزواج واتفقنا أن الاولاد معانا وهيصرف عليهم وده كان كلامه بعد شهر بالضبط من الجواز ابتدي يشتم والولاد بقو تقال. عليه ومشتهم من عنده وبقيت ب

Mango_65644 🇪🇬

منذ 3 أسابيع

شعور قلق

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

اخد قرار اني اجوز تاني بعد انفصال دام ٧سنوات واحاول التعايش من جديد ايه رائيكم انا ٤٧ سنه السن المناسب لي يكون ادايه المشكله الاكبير عندي بنتين كبار ١٩ ١٥ سنه هل اخذ سكن جديد للزوجه واجعل منزلي كماهو للبنات بدون ام رئيكم يهمني فعلا لاني مقدم علي الزواج ولا أريد صدام بين بناتي وزوجه ابيهم

Orange_61792 🇪🇬 ١٩ ،١٥ سنه مينفعش تسيبهم لوحدهم و لو اخدت سكن لوحدك ممكن مع الوقت يقل وجودك ف حياتهم ،صدق او لا تصدق مجرد وحودك بس بيحميهم من حاجات كتيرة جدا

عرض الكل 9 نصيحة

Grape_65801 🇪🇬

منذ 4 أسابيع

شعور قلق

السلام عليكم يا شباب انا عندي ٣٥ سنه ومتزوج وعندي ولدين وميسور الحال ولله الحمد وموظف في شركه محترمه وبحب بيتي واولادي ومراتي بفضل الله بس بتجيلي احيانا رغبه بالزواج الثاني والثالث مش عارف ايه سببها وهو مش سبب جنسي خالص بحلم يكون عندي اكتر من اسره و بيت في حلال ربنا اللي يرضي عنه لاني ماليش في ال

Orange_64205 🇪🇬 انته تقدر تكون اسرة كبيرة جدا مع مراتك الحالية جيب منها عشرين ولد متخليش بطنها تفضى تحمل و تولد بس تجوز عليها و تدخل نفسك في مشاكل معاها عشان بس حابب يكون في اسرة كبيرة لا منصحكش طبعا انته كده بتعرض الاسرة الاولى للانهيار

عرض الكل 8 نصيحة

Toast_59052 🇪🇬

منذ شهرين

شعور مرهق

السلام عليكم تحياتي ثم اما بعد اسمحو لي اشاركم حاجه محتاج رايكم أنا عندي 33 سنه ومتجوز بنت عمي وعندي منها طفل وهي عندها مرض روماتيد ومش بتقدار تمشي متجوزه من 5سنين واستحملت و بساعده علي طول بس خلص تعبت وبفكر اتجوز تاني مع الاحتفاظ بيه طبعا علشان تساعده في البيت والعنايه بالطفل شكر واسف علي الاطله

Almond_55898 🇪🇬

منذ شهرين

شعور متوتر

Blueberry_58350 🇪🇬 زي ما عمل مع مراتو و خانها هيخونك دا غير انك كدا لو اتجوزتيه بعيدا عن اهلك انتي بتاخديه من مراته و عياله بتقهري واحده انتي عارفه هتدعي قد اي و كمان الجواز مش هكون صح لو الشروط الدينيه فهي مش موجوده غير كل دا انتي تستحقي واحد زيو زيك قدك او اكبر بحاجه بسيطه عمرو ما عاش حب غير معاكي و ليكي لي تدفني نفسك مع دا

عرض الكل 8 نصيحة

عبّر عن شعورك بشكل مجهول

لو انا مثلا كنت بكلم حد من وانا كان عندي ١٧ سنه لحد ما بقا عندي ٢١ سنه بعد كل المده دي اكتشفت انه متجوز 
ما عرفتش ازاي لأن ببساطه كان مسافر وكنا بنتكلم ٢٤ ساعه ما كانش بيكون مشغول ابدا او حد واخد له وقته غير الشغل وكمان كان بيكلمني ف الشغل بتاعه او وهو رايح الشغل كمان ولما عرفت اتخانقنا وبعدت عنه وبالذات انه اخد وقت كبير اوي من مراهقتي وفرق السن بينا كبير ف كان قادر يحتويني وفعلا حاليا في شويه مشاعر وحب ليه انا حاليا ماشيه ف ال٢٣ ف خلال السنتين دول بعد ما عرفت بعدت عنه كتير اوي بالشهور وهو من فتره للتانيه بيرجع يكلمني وف خلال الفتره دي عرض عليا الجواز مرتين او ٣ مرات آخرها من كام يوم انا طبعا اهلي مستحيل يوافقو ع حاجه زي دي لأن فرق سن بينا كبير ومتجوز ومخلف وانا اساسا بدرس لسه (ف كليه طبيه)ولسه قدامي ٣ سنين ده بالنسبه لأهلي وبالنسبه لي انا خايفه انا عايزه لو هتجوز حد تكون حياه استقرار مش اتجوز وارجع اتطلق تاني خايفه فعلا اتجوزه ويرجع بعد كل العشم ده وبعد ما رسملي البحر طحينه يتخلي عني ويسيبني انا مش عارفه انا بحبه حب امتلاك او مش عارفه اسمه اي بالظبط بس حد مريحني وفاهم دماغي بالملي وقادر انه يكون راجل ليا ف ده اللي انا عايزاه بالظبط بس ف نفس الوقت في طرف تالت في زوجه وابن اللي هو اساسا كان قالي انه علاقته بمراته مش كويسه وانه جواز صالونات بس علشان الاهل وأنهم مش بيحبو بعض ولما قالي من كام يوم ع الجواز وقولت له ف لنفترض اني وافقت طب والبيت عندك وأهلك اوازاي قالي ماحدش ليه دعوه ولا حد يقدر يتدخل ف قراري 
بس انتو فاهمين انا مش عايزه اتجوزه برضو انا ضد الزوجه التانيه اساسا وضد ان حد يشاركني فيه وضد انه يطلق مراته بس ده حد فعلا كان ف حياتي ف سن المراهقه واكتر فتره صعبه بتعدي ف حياه اي حد وقت ماكنش فاهمه نفسي هو كان فاهمني وبقالي ٧ سنين حرفيا شاف عني وعرف عني وسمع مني وحل لي مشاكل اللي اهلي ما يعرفوهاش اصلا ف بقيت فعلا مش عايزاه يبعد بس كل الظروف بتقول ما ينفعش يقرب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_53448 🇪🇬

منذ 3 أشهر

شعور مذنب

صباح الخير متجوز عندي ٣٢ سنه بحب مراتي و الحمدلله متجوز بقالي ٥ سنين رزقني الله ب طفل هو دلوقتي ٣ ونص و بنت ٨ شهور بفضل الله ونعمه عليا الحياه كانت مستقره بما فيه الكفايه بيني و بين بيتي و هي بفضل الله لسه مستقره لكن هنا تبدء قصه مزعجه تانيه ، ف اثناء شغلي قابلت بنت اخلاقها ممتازه و كانت مطلقه اتع

Banana_53444 🇪🇬 بص يا صحبي احنا من سن بعض وكمان وقت الجواز واحد اللي انا شوفته ان الجواز بعد سنه واتنين بقي روتين عادي ف بقيت تدور ع حاجه تانيه تريح نفسيتك المشكله اللي انتا بتقابلها هنا بغض النظر عن رأي هيكون صح او غلط بس الجواز والبيت الاولاني والاسقرار اللي انتا فيه كل دا هيبوظ لان مفيش وحده هترضي انك تتجوز عليها ثانيا الشرع والدين بيقول لو هتقدر تعدل اتجوز بس ك شاب بيني وبينك ان بوضحلك صوره

عرض الكل 35 نصيحة

عبّر عن شعورك بشكل مجهول

صباح الخير
متجوز عندي ٣٢ سنه بحب مراتي و الحمدلله متجوز بقالي ٥ سنين
رزقني الله ب طفل هو دلوقتي ٣ ونص و بنت ٨ شهور بفضل الله ونعمه عليا الحياه كانت مستقره بما فيه الكفايه بيني و بين بيتي و هي بفضل الله لسه مستقره

لكن هنا تبدء قصه مزعجه تانيه ، ف اثناء شغلي قابلت بنت اخلاقها ممتازه و كانت مطلقه اتعرفنا ع بعض و اتكلمنا وكان عادي لكن لا اخفيكم سر انا اعجبت بيها م اول نظره و اللي يعرفني يعرف ان مش سهل اني اشوف بنت ف ااقع فيها خالص 
معرفش فيها ايه زياده عن زوجتي ابدا ، حرفياً مفيش زياده عن اللي ف مراتي بالعكس مراتي ممكن تكون فارقه كمان لكن ايه اللي حصلي مش عارف و كأني مسحور اعجبت اتشديت و ميلت فكرت اني بما اني بصيت بره كدا اني اتجوز عشان الحرام 
لأن بدء يظهر بنا تجاوزاتو مش بنتمالك نفسنا  ففكرت اتجوزها ازاي الدنيا صعب أصلا اني اتجوزها مع ذلك عافرت و قولت تزود وظيفه تانيه و ابدء اشرع ف الموضوع و اديت نفسي سنه لحد اخر السنادي لو مقدرتش هتضطر ابعد عنها الفكره ان الفكره دي مستحيله 
كم التعلق النفسي بيها غريب جدا 
التعلق العاطفي حبها بحبها بجنون و حتي مراتي بحبها والله 
لكن مكدبش انها جات اخدتني م كل حاجه سرقتني كانت موافقه تتجوز و نبقا التانيه عادي

اسف طولت هي لسه منتهتش القصه لكن ممكن اخلي منها جزء تاني لو حسيت ان حد مهتم هنا 
وشكراً ان ف ابلكيشن بالفكره العظيمه دي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_68871 🇪🇬

مش عايزه حد ف حياتي وقلبي بيتنازع

انا بجد مبقتش بحب الناس وجودهم حلو بس فعلا مبقتش عايزه حد ف حياتي بمعنى اخر عايزه و مش عايزه ف نفس الوقت بقيت بشوف الناس كلها بشكل مش حلو مبقتش قادرة اتعامل معاهم ولا عندي الطاقه دي و مش عارفه ليه ...عرض المزيد

0 الدعم

7 نصيحة

Apple_68133 🇪🇬

الدنيا متاهة كبيرة وانا تايه جواها

بقيت حاسس إن الدنيا عاملة زي متاهة كبيرة تدخلها متحمس، وكل ما تمشي خطوة تكتشف إنك تايه أكتر فيه طرق كتير قدامك شغل، علاقات، أحلام، مسؤوليات وكل طريق بيقولك أنا الصح، ، بس وإنت ماشي فيه تلاقي نفسك بتسأل: هو أنا اخترت صح ولا أنا بضيع وقتي؟ الأصعب من كل دا بقي إنك تبان قدام الناس إنك عارف طريقك، وإنت جواك مش متأكد أصلاً هو في طريق ولا لأ ممكن يكون التوهان ده جزء من الرحلة وممكن يكون هو الرحلة كلها انتوا رأيكوا ايه ! ...عرض المزيد

2 الدعم

2 نصيحة

Lemon_73956 🇪🇬

عش مع نفسك في صفح وتسامح واغسل قلبك من عتاب الأمس

عِشْ مع نفسك في صفحٍ وتسامح، واغسل قلبك من عتاب الأمس وثِقلِه. وأسلِم أمرك لله، فالمستقبل غيبٌ لا يُمسك زمامه إلا هو. أما الحاضر، فهو هديّة بين يديك، إن وجدت فيه سبيلًا لإصلاح أو تغيير فامضِ إليه، وإن ضاق عليك الأمر، فاطمئن؛ فما كتبه الله لك لن يحمله عنك سواك. فربّ الخير لا يُرسل إلى قلبك إلا ما فيه خير، ولو بدا لك في ثوبٍ اخر ...عرض المزيد

2 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع