بحس باحراج لما بتكلم عن الموضوع دا بس مؤخرا بقيت بحاول اكون عادي لما اتكلم عنه، لما كنت طفله يعني كنت لسه في Kg 1 كده كنت بروح للمدرسه مع سواق وكده فالمهم كنت بقعد قدام جمبه و كان بيتحرش بيا دايما وانا رايحه للمدرسه و انا راجعه منها و طول المده الي بكون راكبه فيها جمبه بيكون بيلمسني بطريقه صعبه جدا و دا كان طول فترة Kg و لحد فتره في ابتدائي كمان و كان ممكن يكون لفتره اطول الا اني في يوم جيت و اتكلمت و عرفت مامتي و طبعا كان رد فعلها عنيف بس مش عليا دا عليه و كانت عايزه على الاقل تسجنه بس دا محصلش بسببي علشان لما سالتني كان بيلمسك باي طريقه كدبت وقتها وقولت انه عادي يعني من بعيد شويه علشان وقتها كنت خايفه اقولها الحقيقه كنت خايفه لان كنت حاسه ان دا غلطي و بالفعل مقدرتش تعمله حاجه غير انها بعدته عننا تماما و عرفت اولياء امور كل صحابي الي كانوا معايا في الباص وقتها والي كانوا بالفعل اوقات اتعرضوا للتحرش منه بس كانت لمسات خفيفه مش نفس الضرر الي اتعرضتله، و من وقتها واي حد يلمسني حتى لو لمسه عاديه او لو حتى زميله او صاحبه ليا بخاف جامد و ببعد عنها بسرعه و اصحابي بداوا ياخدوا بالهم وقالولي ان فيا حاجه واني مش طبيعيه

8

0