مش قادرة أثق في حد ومش عارفة أعمل إيه

Question

دلوقتي عندي مشكله بسبب انى مش قادره اثق فى حد و على طول مخونه الناس بس مش على الفاضي و المليان بس بسبب فكرة ان لو عمل الغلطخ هيعملها تانى و تالت و لو مش دلوقتي يبقى بعدين و مش عارفه أعمل إيه الموضوع بقى صعب جدا و مأثر عليا فى الشغل و البيت و صحابي و حتى خطيبي

Coffee_33188 🇪🇬 · Accepted Answer

حضرتك عندك مبدأ حلو صراحةً.. بس انت غشيمة ف تطبيقه شوية ..مش بقولك تثقي ف الاشخاص ب عميانية لا .. بس ع الأقل يبقي ف فرص يعني .. احنا بني ادميين وكلنا بنغلط وبنقع ف مشاكل نظراً  ل ظروف ب ارادتنا او بغيرها..ف ع الاقل تثقي وتسيبي فرصة ليهم علشان موضوع الثقة او التعانل عامة بيبقي متبادل بين الناس

Blueberry_27358 🇪🇬 · Answer

الغلط سهل ميتعرفش فا لو خطيبى غلط و انا واثقه انا خايفه أعرف بعد ما نتجوز و ساعتها هحس ان انا وثقت و اتغفلت و هتكون الفاس وقعت في الراس

Coffee_33188 🇪🇬 · Answer

لو بتشكي ف خطيبك او مش واثقه ف اخلاقه ..انهي العلاقة دي.. لأن لما تتجوزي مش هترتاحي ولا هتريحيه.. وأنا گ شاب بقولك الست الشكاكة او اللي مش واثقة ف جوزها هتخرب بيتها

Strawberry_47092 🇪🇬 · Answer

بصي يا حبيبتي اعتقد الموضوع ممكن يكون وصل مكاني لحاجة محتاجة علاج انا حاليا بجاهد عشان اقنع نفسي اني اروح لثيرابي عشان برضو عندي مشكلة مأثرة على حياتي طلاما مقدرتيش تساعدي نفسك يبقا الجأي لحد يساعدك و بإذن الله متندميش و ربنا يصلح حالك و حالنا جميعا يارب❤️