السلام عليكم هتكلم بس عن نفسي شويه و ممكن لو حد عنده حل ليا يقولي انا عندي 18سنه انا داخله في السنه او اكتر بشويه وانا عندي اكتئاب حاد وده بسبب اني كنت في فتره من حياتي من 5 سنين تقريبا اتعرضت لصدمه معينه بس كبيره اوي وكنت ناسيه خالص جيت من سنه وجالي فلاش باك بقى بالاحداث وكل اللي حصلي وحرفيا انا عملت كل اللي اقدر عليه علشان اتخلص من الاكتئاب والله حاولت اساعد نفسي كتير بس مفيش فايده حتى حاولت اتعالج نفسيا بس طبعا اهلي وقفوني منه ومبقوش عاوزيني اكمل وانا اتخانقت معاهم لحد ما جبت اخري وبردو موافقوش اكمل وانا بيني وبينكم اليأس سيطر عليا ومعدتش حتى قادره اني احاول معاهم علشان اروح انا شبابي بيضيع مني حرفيا معنديش حياه ولا شغف ولا حاسه بأي حاجه حلوه ودايما عاوزه ابقى لواحدي او انام او اسكرول في تيك توك علشان الهي دماغي بدل التفكير ما يقت. لني حرفيا وبقيت كارهه كل البشريه وكل افعالهم ولا قادره اخرج من البيت ولا اتعامل مع البشر عموما وبذات اني لسه اولى جامعه ولازم ابقى متحمسه والحوارات دي لاني دخلت الكليه اللي كنت عوزاها هي اه دخلتها بالفلوس بس مفيش شغف خالص ولا اي اهتمام مني والمشكله ان اصلا التروما اللي اتعرضت ليها دي بسبب اهلي و بعد فترة المعاناه دي لواحدي اكتشفت اني ملييش سند ولا ليا حد خالص وبجد شعور الخذلان وان مفيش حد اتسند عليه وحش اوي اوي ويارب محدش يمر باللي مريت بيه لان الاكتئاب مدمر لكل حاجه حلوه في الحياه

1

3