السلام عليكم قبل فتره في صيف سنة 2024 شهر 7...كنت مسجله في معسكر من المدرسه و كان هذا المخيم في منطقه بعيده جدا عن بيتنا يمكن الطريق 12 ساعه... و كان في هذا المخيم كثير بنات من مختلف محافضات السلطنه مدة المعسكر كانت اسبوع و انا رايحه له من قبل فااا كنت متعودة خلاص على أنه مافيه حد اعرفه و ننام في خيمه و هذي الأشياء... هذي المره كانت معي زميلتي في الصف لأن هما ما ياخذوا كل اللي في المدرسه بس بنت او اثنين... نهضت صباح اليوم اللي مفترض ننطلق فيه جهزت شنطتي و ابوي خذني لنقطة التجمع و هناك دخلنا الباص الكبير اللي بيشلنا المعسكر الساعه 8 صباح... كان كل شي طبيعي بنات و نضحك و نتعرف على بعض و قررنا نصير أصدقاء و تعرفوا أجواء المعسكرات و كل البنات يساعدوا بعض... الباص تعطل في نصف الطريق و كنا في مكان صحراوي فا نزلنا مسجد و صلحوا الباص و رجعنا للباص و كملنا طريق... كان مفترض بما انه بنستغرق 12 ساعه نوصل الساعه 8 بالليل... بس لكن لأن الباص تعطل فااا ضلينا في الباص كثييررر.... كانت الساعه 1 بالليل و اغلب البنات مو نايمين... فا فيه بنات كان معهم سماعه كبيره شغلو فيهم اغاني و جلسوا يرقصوا... و يعني كانو يرقصوا بشكل مو طبيعي انا كنت اشوف عليهم من بعيد و كنت اضحك... بعدها راحت زميلتي ترقص معهم فااا انا قلت ليش لا و قمت رقصت شويه بعدين رجعت لمكاني... كل شي طبيعي بعدها بثلاث ساعات و صلنا لموقع المعسكر يعني الساعه 5 الفجر... مرت 23 ساعة ونحن بالباص.. نزلنا و كل وحدة راحت لخيمتها و نامت... مر اليوم الأول بدون شي لأن أغلب الباصات متأخرين... بس اليوم الثاني أخذنا نتسلق جبل... و فيه أماكن فيها ماي و طلعه و نزله... كنت امشي عادي بس فجأه حسيت بمغص ببطني و كانت فيني بكيه بس ما بكيت و كنت احبس دموعي... و بعدها اكتشفت انه جاتني الدورة الشهريه و المشكله انه نحن بجبل!... ما فيه مكان اروح له... فااا رحت للمشرف و جلست ابكي و ابكي.... مر ذا اليوم و جا اليوم الثالث... في الليل قالو لنا فيه سهره بنات و كذا و نلبس فساتين و نسوي شعرنا و نحط ميكب... كنت متحمسه كثييرر مع ان بطني كان يعورني... و رحنا نسوي شعرنا... فجأه نادو علينا بالساحه نوقف طابور علشان بيقولوا لنا شي...بعد فتره كنا جلسنا لان تعبنا من الوقفه و كنت انا اضحك طبيعي و مستمتعه كل شي طبيعي... قالو لنا نوقف و لما وقفت حسيت كاني بحلم و الأصوات مكتومه و اني مو قادره اتنفس حسيت اني بموت حرفيا ف ذيك اللحضه... بكيت.... ايوا بكيت بس مو بكيه عاديه كنت أبكي و مو قادرة اتنفس كل حد جلس يناضر عليي و يسألوني وش فيني و انا كنت ما قادره اكلمهم و كنت حاسه ان ملك الموت جنبي... جلست ارتجف بشكل ما طبيعي... اخذو البنات يصارخوا و جات المشرفات و اخذوني بعيد خلوني استلقي في الأرض و كنت ابكي بقوه و اشوف على حوليني على أوجه المشرفات و اقول لهم اني اريد امي (كنت احسب اني بموت خلاص).... جلس المعلمات يحاولوا يخلوني اتنفس و جابوا ثلج و حطوه في ايديني لأني ما كنت احس بأطرافي... و كانت فيه مشرفه تعطيني حجر صغير علشان اشغل حواسي....اقول لكم انه ذا الشي اللي صار أسوأ شي في حياتي...المشكله انه ما ينقطع الا اذا نمت او اذا شغلت قرآن يخف... مر يوم ثاني و ثالث و كان يجيني مره باليوم على الاقل.. جا اليوم اللي قبل الأخير و اللي يعتبر الاخير في المعسكر و اليوم اللي بعده نرجع لبيوتنا... اخذونا لمول... و هناك حسيت بنفس الشعور انه تجيني الحاله مره و كانت أول مره تجيني بكام عام فا كنت ادور المشرفه اللي دائما تساعدني و والله كأنه اللي بالافلام كنت اسمع نبضي بس حصلتها و قالت لي اروح مع البنات الباص و هي بتروح تشوف البنات الباقين فا انا ذيك اللحضه استجبت لها...و رحت مع البنات بس اول ما خرج من المول و قريب اروح الباص جلست ابكي و رجعت اركض لها و البنات يمسكوني... حرفيا لما تجيني الحاله ما اقدر اتحكم بنفسي... و ما افكر بافعالي اتحرك بدون تفكير.... كنت متوتره لأن الناس بدأو يشوفو عليي يسحبوني البنات و اخذوني الباص... كنت كأني وحده فيها توحد... حتى صوت الأشخاص صرت اكره اسمعه و كنت اغطي اذني بشكل هستيري... ولما رجعنا المعسكر رحت نمت و بعدها جت جدتي و خالتي شلوني من المعسكر لأن هما كانوا في هذيك المنطقه ذيك الفتره-ملاحضه مهمه أهلي كلهم ما يعرفوا باللي صار لأني أكدت على المشرفات انهم ما يخبروا اهلي بأي شي لأني ما ابغاهم يقلقو علي و خاصه لأن اخوي كان يوم عرسك هذاك الوقت و في دوله ثانيه- مرت الايام... اسبوعين بدون اهلي و بدون نت...في المعسكر اسبوع و في بيت جدي اسبوع... و في منطقه بعيد عن اهلي... بعد أسبوعين جو اخواني لذيك المنطقه جلسنا اسبوع زياده... ثلاث اسابيع ما شفت امي و ابوي و هم ما يعرفون شي عن اللي صار معي... خبرت اختي الكبيره بس... مرت الثلاث اسابيع و بعدها رجعنا لبيتنا و هناك امي مسكتني و طلعت انها اكتشفت اللي صار لأن بعد ما طلعت من المعسكر صاروا البنات يرسلون على رقمها يتطمنوا علي- انا ما معي رقم- و قالت لي شي خلاني أوقف افكر شوي"ما تحسي اللي صار بسبب الجن... او الحسد؟"... قلت لها بكل ثقه لا... لأن في المعسكر كانوا يقولو لي انه كله أسباب نفسيه بسبب اني بعيده عن اهلي و و.. الخ جلست افكر و افكر... و في يوم سألت امي"هل هو كان بسبب الجن؟"امي قالت شي صدمني قالت لي انها راحت لشيخ و طلع فيه شيطانه كانت السبب اللي تخليني حزينه و تجيني ذيك الحاله... قلت كيف؟!!... و قالت لي شي صدمني بجدد... قالت الموقف اللي صار في الباص لما كانوا البنات يرقصوا و انا كنت ارقص معهم... مستحيل اوصف لكم الصدمه اللي صارت لي ذيك اللحضه... و إذا تحسبوا انه البنات قالوا لها انهم كانوا يرقصوا... اقولكم مستحيل لأن البنات مستحيل يقولوا لأم كذا خاصه عندنا الحين استوعبت ويش صار... كنت ارقص شافتني الشيطانه و قررت تبقى معي... و لما جتني الدوره الشهريه قررت انها تخليني اتعذب... بس لأني في فترة الدوره الشهريه ما اقدر امسك القرآن ولا اقدر اصلي لحد الحين ما قادره اتخطى اللي صار لي حتى صارت عندي عقدة من الأكمام العامه لأن فيها كثير ناس... و دائما تجيني الحاله لما يكون فيه كثير ناس😔💔

3

2