أنا فى ليلة كان عندى أرق نزلت الصيدلية أشترى حاجة للأرق ومكنش لسه الميلاتونين إتوفر فمصر اللى فى الصيدلية إدانى نايت كالم ومكنتش أعرف إنه بيؤدى للإدمان إلا لما لقيت نفسي بزود لما القرص ميجبش نتيجة للأسف . الدكتور عملى جدول سحب تدريجى طبقا لبروتوكولات سحب Z-Drugs اللى بتنص على السحب بيكون بنسبة ٥ إلى ٢٥ ٪ كل أسبوعين تبعاً للجرعات ومدة الإستخدام وإستجابة المريض مع أدوية داعمة ومكملات بعد جرعة تثبيت . محتاج صيدلية فى سوهاج أو فأى محافظة بتتيح الشحن لأن الجدول قد يستغرق ٩ شهور وبالتالى هحتاج كميات من نايت كالم والأدوية الداعمة تقريباً ٤٠٠٠ جنيه أو ٥٠٠٠ شهرياً . المطلوب خصم أكبر من ١٠٪ لأن الكمية شهرياً كبيرة والمبلغ نفسه اللى بشتري بيه والمدة اللى قد تطول أو تقصر طبقا لتعليمات الطبيب وإستجابتى خصوصاً إنه بادئ بخفض ١٠٪ كل أسبوعين من جرعة ٩٠ مجم لأنى وصلت لعلبة كاملة . الحمد لله أنا جربت جرعة التثبيت واستجبت ليها على الرغم إن العلبة دى كانت أقل حاجة وأحيانا وصلت ل ٥ علب لكن الحمد لله القرار كان التثبيت على علبة واستجبت ليها ومعنى كده إن التخفيض هيتم بسلاسة إن شاء الله . اللى يعرف صيدلية هتعملى خصم كويس وهتستمر معايا طوال فترة السحب جزاه الله خيراً ودعواتكم لى بالشفاء

1

0