أنا بكره نفسي مش عشان أنا وحش… بكرهها عشان بحس إني دايمًا الطرف الأضعف في كل حاجة. حبيت بنت من قلبي، بس هي ما حبتنيش… قالت إني حساس زيادة، كأني العيب فيّ إني لسه عندي مشاعر. كنت فاكر إن الطيبة هتخلي الناس تشوفني بوضوح، بس طلعت الطيبة بتخليهم يدوسوا عليك أكتر. وفي الشغل، كل يوم نفس الكلمة: “هنمشيك”. كأنهم مستنيين اللحظة اللي يرموني فيها برا، وأنا بحاول أضحك كأني مش متأثر، بس الحقيقة إني بتقطع من جوه. حاسس إني مش مرغوب لا في حب، ولا في شغل، ولا حتى في حياتي. كل يوم بصحى وأنا مش عارف ليه أكمل، ولا لمين. أنا مش بطلب حاجة كبيرة… كنت بس عايز أحس إن في حد شايفني، إن في مكان أحس فيه بالأمان، أو على الأقل مش بالخوف. بس الظاهر إن حتى الحلم البسيط ده بقى رفاهية بالنسبالي. أنا تعبت من التظاهر، وتعبت من نفسي، وكل اللي نفسي فيه دلوقتي… شوية راحة، بس راحة حقيقية. انا مقبتش طايق نفسي

1

6