بحس إن الناس كتير اوي بتبقي مش لطيفة معايا. يعني في أيام بيتعاملوا فيها بجفاء، وأيام تانية بكلام جارح، وأيام كأنهم مش شايفيني أصلًا. الموضوع مش عن رد فعلي، بس عن إحساسي إني مش قادرة أعيش من غير تواصل مع الناس. أوقات حتى الناس اللي وجعوني، بيكون في وجودهم نوع من الراحة… لإني ببساطة محتاجة حد يحس بوجودي، حتى لو من خلال وجع. جربت أروح الجيم، لقيت ناس بتحاول تثبت إني ضعيفة باي شكل. جربت أتعلم قرآن، ولقيت ناس برضو مش طيبين. جربت أتعرف على ناس أونلاين، الناس بتتكلم مرة و تختفي، وأنا مش عايزة أبقى حمل تقيل على حد. حتى في الشغل أو الكلام العادي، الناس تبتسم في الأول كأنهم عاوزين يبقو لطيفين و لما تلاقيك مبسوط بيهن و بتتكلم معاهم يردو ببرود معرفش لي. بس رغم كل دا، أنا بحب ربنا، وبقول من قلبي: يا مقلب القلوب ثبت قلبي على دينك، واهديني للصواب. عارفة إن الدنيا مش مفروض تبقى سهلة، وإنو جهاد. بس النهارده أنا بحاول أعيش بس، أعدّي المشاعر دي بسلام. وإن شاء الله بكرة، يحلها ألف حلال. لإن رغم كل الوجع، لسه عندي إيمان صغير جوايا بيقول: أنا مش لوحدي، وربنا شايف ومش ناسي.

2

10