واحدة في الكلية بتستغلني ومش عارف أهرب منها

Strawberry_40044 🇪🇬

منذ شهر واحد

شعور وحيد

دلوقتي انا معايا واحدة مصاحبني في الكلية لكن بحس بتسغتلني فعلاً يعني كلامها سطحي متعرفنيش الا علشان افهمها حاجة مختصة بالمنهج وعلطول بتطلب مني فلوس بس انا برفض لانها مش بترجعهملي وتقولي هكلمك كمان شوية بشحن التليفون كل اما تحط صورة على الفيس بوك تقولي ادخلي اكتبيلي كلام حلو عليها كومنتات كتير مش بعرف اقولها اي في دي علطول انا بتهرب منها لانها بتستغلني فعلاً لكن ساعة انا بكون اون لاين مش بعرف اعمل اي بس شكلها بستغلني فعلاً

خسرت كل صحابي بسبب بنت.. هسيب ليكم الحكم

انا خسرت صحابي كلهم بسبب واحدة مش هوصفها هسيب ليكم انتم الحكم. انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت اخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا. انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا و سافرت معانا مرة افتكر لما صاحبي دا كان مرتبط. المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة. حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت. ...عرض المزيد

5 الدعم

0 نصيحة

صاحبتي بتحب تتحكم فيا وبتستغل علاقتنا!

الحوار طويل شويه اولاً في واحده صاحبتي انا وهي صحاب بقالنا تلت سنين ولا حاجة بس العلاقه قريبة جداً المهم اني في الاول والدتي كانت شايفة انها بتحبني جداً وكانت جابراني اني اكمل معاها المهم انها كامت شخصية متحكمه موووت ومش عايزاني اصاحب حد تاني غيرها وفي واحده صاحبتي انا وهي كنا قريبين وانا كنت برتاح معاها المهم انها قعدت تكره والدتي فيها لحد ما امي اجبرتني اني ابعد عنها بس انا مابعدتش فااا هي قررت انها تعمل ده بنفسها بدأت تعمل مشاكل كتير بيني وبين البنت دي وامي كانت طرف طبعاً لحد ما البنت دي انا وهي بعدنا وبعد ما بعدنا جت قربت هي منها وبقوا حبايب وانا والبنت علاقتنا باظت خالص والمهم ان صاحبتي دي مش بتهتم بكلامي خالص ولا بأي حاجة بعملها ده غير انها كل شويه تقول شوفتي مين بيكراش عليا شوفتي الولد ده بصلي إزاي او هما بيبصولي كده ليه والكلام ده المهم اني من فتره عرفت منها انها بتأخد من امها فلوس على اساس انها ليا بمعني (انها كانت بتقولها اني محتاجة فلوس وتأخد هي الفلوس ليها ولما يبقى معاها الفلوس ترجعها لمامتها على اساس اني رجعتهالها ولكن في الواقع انا ماكنتش اعرف حاجة عن الفلوس دي)ولما قولتلها بس انتِ كده بتطلعيني انا واهلي كأننا بنشحنت قالتلي مش بالظبط اوي كده وبعد فتره لما جيت اكلمها تاني واقولها انتِ عملتي كده ليه قالتلي اصل ماما بتثق فيكي ولما اقولها ان الفلوس ليكي هتديني عادي هنا انا حسيت بإستغلال واضح وهي مش شايفة ان الموضوع يستاهل رد فعل ...عرض المزيد

4 الدعم

4 نصيحة

عندي تعلق مرضي بجوزي ومش عارفه اتعافي

عندي مشكله التعلق المرضي .. بجوزي حاجه متعبه جدا لينا احنا الاتنين وهو كمان مش بيحبني درجه حب كافيه فما بالكو بقا لما يكون بيحبني قليل اصلا وانا عندي تعلق مرضي ! نفسي اتعافي ومش عارفه الموضوع صعب ويقبل علي نفسي ضرب واهانه وجسمي يرزق من الضرب واهمااااال وحاجه والله متعبه 💔 وان اروح لدكتور نفسي متي لو اون لاين مش متاحه عشان الفلوس .. هو رفض أن اروح وانا مش بشتغل مش هعرف اوفر فلوس الدكتور وكمان اقترحت انزل چيم يمكن مودي يتغير واهتم بنقسي وكده رفض بردوا عشان بيقول مش بحب البنات اللي بتنزل چيم الحل ايه. ؟ ...عرض المزيد

5 الدعم

7 نصيحة