النهارده اول يوم اتكلم فيه عن مشاعري من اكتر من تلت سنين مثلا انا لسة طالب جامعي المفروض اكون ف اخر سنة طول الست سنين اللي فاتو انا حرفيا دماغي مكانتش شغالة حياتي كانت تقيلة عليا حاسس ان عقلي مقدرش يستوعب الفترة دي فقرر يعملها بلوك ويحاول ينسهالي بقيت مبحسش بأي حاجة من سنين مش بحس بأي حاجة ولا احساس واحد لدرجة اني ساعات بفكر ان لو حد مات ليا انا ممكن مبكيش عليه انا ف جامعة ممكن تكون حلم ناس كتير بس انا كان حلمي اكبر من كدا ومقدرتش اوصله ودا اللي صدمني اكتر وخلاني افقد ثقتي ف نفسي وف عدل الحياة. كان حلمي اسافر اخد كليتي برا بس معرفتش اعمل دا ومحدش ساعدني سواء مدرسين دي شغلانتهم او حتى زمايل مكانش ليا حد ف طول فترة الhigh school عشان كنت ف مدرسة داخلي ولا حتى صحاب كانت حياتي عبارة عن مأساة كبيرة طول التلت سنين من عدم وجود علاقة حقيقية مع اي حد وانا كدا لغاية النهارده عامة مبحسش اني ب fit in ف اي مكان انا فيه مهما كان فيه ناس مختلفة انا دايما مليش مكان مهما حتى لو كانوا هما اللي محتاجنلي بتخلص المصلحة وكله بيروح لحاله. انا مش بقول اني حاسس اني محتاج صحاب انا بقيت بكفي شرهم ومكتفي بذاتي انا بس بحاول ارجع اreconnect with my feelings لأني النهارده لأول مرة حسيت ولو باحساس بسيط اني زعلان ودا فرحني مش عارف اوصفه ازاي بس فعلا دا اللي انا حسيت بيه. نفسي ارجع زي زمان الشخص اللي عنده طاقة كتير ومشاعر وبيحس بجد بكل حاجة وهوا بيعملها انا بقيت بعمل نفسي حاسس وانا بتكلم مع الناس بعمل نفسي متفاجئ او مبسوط او تقيل او اي حاجة حاسس اني انسان فيك ودا مخليني حتى مش قادر اشتغل على نفسي واطورها زي زمان بنفس القدرة لأني معنديش اي دافع او احساس يخليني اعمل اي حاجة غير اني بمشي الدنيا عشان تمشي في دراسة ف قعدة ف مكالمة ف الحياة ف المجتمع اي حاجة بعملها مش عشان انا مصدقها او انها صح بعملها او بقولها حتى لو بمثل لغاية ما انا نفسي اصدقها عشان اللي قدامي عايز دا مني او المجتمع او الصحاب او العيلة مش عارف هوا كله كدا ولا انا بس. بس I think I need saving

8

7