يعنى انا بصراحه مش عارفه انا حاسه بأيه بس انا اول مره اوصل للمرحله دى امتى بقيت اروح لثيرابيست وانا مكنتش متخيله انى ف مره هروح لدكتور نفسي وانا لسه 18 سنه وان الموضوع يتطور كمان لدرجه انى هتحجز فى مصحه وانا ف امتحانات ثانويه عامه ثانويه عامه اللى عمرى ما تخيلت أنها هتخلص وانا كده وانا كل اللى حواليا ومدرسينى كانوا مستنين انى هكون اوائل جمهوريه لحد من شهرين ف شهرين بس كل حاجه باظت وكل حاجه اتحولت رأسا على عقب انا م بكتب عشان حد يحللى مشكله او يدينى نصيحه بس فاضل ساعه وهنزل اروح المصحه اللى هتحجز فيها ومش حاسه عامة بأي احساس ولا حلو ولا وحش ولا متدايقه ولا حتى عادى ومتقبله انا ممكن اكون مش مستوعبه بس تمام يعنى😂.

5

13